Rótgrónum fjölmiðlum tekst ekki lengur að laða fólk til að lesa fréttirnar hjá þeim. Þess í stað leitar fólk til annarra heimilda eins og samfélagsmiðilsins X. Núna er X orðið númer eitt í enn einu landinu: Bretlandi.
Sífellt fleiri snúa sér að samfélagsmiðlinum X sem í höndum Elon Musks hefur breyst í tákn og baráttu fyrir tjáningarfrelsi. Þegar gamaldags fjölmiðlar ritskoða fréttir og koma í veg fyrir að gagnrýnisraddir fái að heyrast. þá er bara „einn sannleikur“ sýndur.
Í tengslum við mótmælin sem núna eru í gangi í Bretlandi hafa gömlu miðlarnir aðeins dreift þeirri sögu, að mótmælendur væru „öfgahægri sinnaðar fótboltabullur.“ Þökk sé færslum á X fær fólk tækifæri til að sjá aðra frásögn af mótmælunum og sjá, hvernig breska lögreglan beitir mótmælendum ofbeldi og hvernig innflytjendaklíkur ráðast á hvíta Breta.
Leggur undir sig nýtt land
Nú kemur í ljós, að X er ekki bara vinsælasta fréttaveitan í Bretlandi. Það er einnig vinsælasta fréttaforritið í Bandaríkjunum. Þetta tilkynnti Musk í færslu á X (sjá að neðan).
Síðan Musk keypti Twitter (sem var skírt X) árið 2022, hafa raddir margra föðurlandsvina, íhaldsmanna og andstæðinga hömlulauss fólksinnflutnings snúið til baka á samfélagsmiðilinn. Þetta mun skipta miklu máli fyrir forsetakosningarnar í Bandaríkjunum í haust, þegar stuðningsmenn Donalds Trump geta komið með upplýsingar sem valdhafar reyna að þagga niður.
