Line Gordon er í fararbroddi loftslagsmatseðilsins sem lagt er til að ríkið þvingi fólk til að nota svo bjarga megi milljónum manns frá loftslagsdauða og mannkyni frá útrýmingu í vítislogum hamfarahlýnunar.
Í nýrri skýrslu skýrsla (sjá pdf að neðan) segir að mannkynið verði að breyta mataræði sínu grundvallaratriðum. Lagt er til að stjórnvöld móti stefnu sem skili þeim árangri að allir íbúar jarðar borði „heilsumataræði jarðarinnar“ sem er nálægt neyslustigi fátækustu hlutum Afríku. Í skýrslunni er fullyrt að annars muni 15 milljónir manns eiga á hættu að deyja ótímabærum „loftslagsdauða“ á hverju ári. Það samsvarar 40.000 manns á dag.
Nýja skýrslan er búin til af sænskum hópi sem segjast vera „loftslagsvísindamenn“ og birtist í læknatímaritinu The Lancet. Þeir fullyrða að matvælakerfi nútímans sé ekki sjálfbært. Hópurinn telur að við borðum „allt of mikið“ – sérstaklega af kjöti. Lausnin er sameiginlegur, alþjóðlegur matseðill samkvæmt matarheilsu jarðarinnar. Line Gordon, sem kallar sig prófessor í sjálfbærri þróun og er ein af aðalhöfundum skýrslunnar segir:
„Ef við skiptum yfir í hollt mataræði sem er ríkt af jurtum, þá getum við komið í veg fyrir að 15 milljónir manns deyi árlega í heiminum á hverju ári.“
Hópurinn fullyrðir að kolefnislosun matvælaframleiðslu heims minnki um helming ef allir borða samkvæmt pólitískt rétttrúnaðarmatseðli gegn hamfarahlýnun.
Fyrirmyndin: fátækustu íbúar Afríku
Samkvæmt skýrslunni þá borðar fólk í vestrænum heimi margfalt meira kjöt en leyfilegt er samkvæmt hinum pólitíska rétta matseðli. Í Bandaríkjunum og Kanada er neyslan meira en sjö sinnum hærri en þau viðmið sem hópurinn hefur sett. Í Evrópu er samsvarandi „ofneysla“ fimm sinnum meiri en leyft verður.
Á sama tíma eru hlutar Afríku sunnan Sahara nefndir sem eins konar fyrirmynd, þar sem fólk lifir nú þegar á lágmarksneyslu dýrafæðis. Þar er ákveðin aukning á kjúklingum, eggjum og mjólkurvörum talin „holl“ en aðrir í heiminum eiga að draga verulega úr neyslu. Line Gordon segir:
„Ef þú ætlar að hafa einhvers konar viðmið, hugsaðu þá um einn skammt af rauðu kjöti á viku, tvo skammta af kjúklingi, tvo skammta af fiski og allt annað á fyrst og fremst að koma frá jurtaríkinu.“
Hóta með daglegum „loftslagsdauða“ 40 þúsund manns
Í skýrslunni eru notaðar dramatískar tölur til að réttlæta tillögurnar. Hópurinn fullyrðir að allt að 15 milljónir manns eigi á hættu að deyja fyrirfram á hverju ári nema að jarðarbúar fylgi ráðum þeirra. Þetta er hótun um fjöldadauða á heimsvísu sem samsvarar að meðaltali 40.000 manns á hverjum degi.
Útreikningarnir byggjast á svartsýnum líkönum og framtíðarsýn um loftslag og heilsu sem hvorki eru nýjar né hafa nokkru sinni raungerst. Árið 1968 spáði bandaríski líffræðingurinn Paul Erlich í bók sinni „Íbúasprengjan“ að hundruð milljóna manna myndu bráðum deyja nema að mannkyn tæki upp nýja stefnu. Þessar tilgátur byggjast á kenningum breska hagfræðingsins Thomas Robert Malthus á 18. öld sem hélt því fram að auðlindir jarðar væru takmarkaðar og gætu bara borið ákveðinn íbúafjölda á plánetunni.
Ríkið stjórni matseðli jarðarbúa
Til að koma á nýju pólitísku rétttrúnaðar mataræði, þá leggja skýrsluhöfundar til að ríkið grípi inn og stjórni því hvað verði sett á matardiska jarðarbúa í stað þess að þeir ákveði sjálfir hver fyrir sig, hvað þeir vilja borða. Meðal annars er rætt um að hækka skatta á „óhollum mat,“ greiða niður jurtaafurðir, setja viðvörun á umbúðir og stjórna markaðssetningu mats með lögum. Hinn umdeildi loftslagsaðgerðarsinni Johan Rockström, sem einnig kallar sig prófessor og er einn af leiðtogum hópsins sem vann skýrsluna, án þess að nafn hans komi þar fram, segir:
„Það sem við setjum á matardiskinn getur bjargað milljónum mannslífa, dregið úr losun milljarða tonna, stöðvað tap líffræðilegs fjölbreytileika og skapað réttlátara matvælakerfi.“
Boðskapur skýrslunnar er sá að ríkið verði að ná stjórn á mataræði fólks, að matseðillinn fylgi pólitískum rétttrúnaði alþjóðlegs staðlaðs mataræðis, þar sem afar lítið verður um kjöt en mjög mikið magn af belgjurtum, ávöxtum og korni.
Til að „bjarga plánetunni“ verða íbúar heims að sætta sig við mataræði sem er ekki langt frá því sem núna ríkir á sumum fátækustu svæðum heims. Samtímis er því haldið fram, að pólitískur réttur loftslagsmatseðill sé svo hollur fyrir lýðheilsuna, sem þó er með versta móti í þessum heimshlutum.