Áður gátu glóbalistar skipt út ríkisstjórnum ríkja sem voru þeim ekki að skapi. Það er hins vegar ekki jafn auðhlaupið í dag með leiðtoga eins og Viktor Orbán og ríkisstjórn hans í Ungverjalandi. Viktor Orbán forsætisráðherra Ungverjalands uppljóstrar á X um samsæri ESB gegn Ungverjalandi og ungversku þjóðinni (sjá neðar á síðunni). ESB hefur áætlun um að steypa ríkisstjórn Ungverjalands af stóli og setja hlýðna, hliðholla ríkisstjórn í staðinn.
Í gegnum árin hefur alþjóðasinnum tekist að bola ríkisstjórnum frá völdum sem henta þeim ekki. Er það eitt af helstu verkefnum samtaka Georg Soros „Open Society“ að skapa stjórnmálalegan óstöðugleika og bola burtu lýðræðislega kjörnum stjórnum landa sem ekki fylgja djúpríkinu í Washington eða ESB. Nefna má sem dæmi litabyltinguna í Úkraínu 2014, refsiaðgerðir ESB gegn Austurríki eftir kosningarnar árið 1999 þegar austurríski frelsisflokkurinn FPÖ komst í ríkisstjórn undir stjórn Jörg Haider og „arabíska vorið“ ár 2011 sem náði hámarki, þegar Moammar Ghadaffi leiðtoga Líbýu var steypt af stóli og pyntaður til dauða við mikinn fögnuð vestrænna leiðtoga eins og Hillary Clinton.
Pendillinn slær til baka
Núna virðist pendúllinn vera að slá til baka. Það sýna átökin á milli forseta framkvæmdastjórnar ESB, Ursula von der Leyen og Viktor Orbán, forsætisráðherra Ungverjalands. Von der Leyen hefur mistekist að bola ríkisstjórn Orbáns frá völdum, þrátt fyrir herferðir með ítrekuðum ásakökunum um „kosningasvindl“ og „brot á reglum ESB.“ ESB hefur stutt og styður stjórnarandstöðuna í Ungverjalandi en ríkisstjórn Orbáns situr sem fastast með landsmenn að baki sér.
Orbán bendir á að tveir af valdamestu einstaklingum Evrópusambandsins eru leiðandi í samsæri um að fremja valdarán í Ungverjalandi: Forseti framkvæmdastjórnar Evrópusambandsins, Ursula von der Leyen og Manfred Weber leiðtogi European People’s Party. Bæði koma þau frá Þýskalandi og Orbán segir því, að um nokkurs konar þýskt samsæri sé að ræða, þar sem skipta á út ungversku ríkisstjórninni fyrir einhvern sem segir bara „jawohl“ eða „já“ á þýsku.
„Jawohl“ ríkisstjórn ESB í stað lögkjörinnar
Orban skrifar í yfirlýsing sinni:
„Þeir vilja brúðustjórn. Við skulum tala opinskátt, við köllum það því nafni sem þeir vilja fá: „Jawohl“ ríkisstjórn. Með öðrum orðum, ef hringt er frá Brussel eða Berlín, þá verður svarið að vera „jawohl“ og það verður að framkvæma pöntunina.“
Weber og von der Leyen vilja, að stjórnarandstöðuleiðtoginn Péter Magyar leiði nýja ríkisstjórn Ungverjaland eftir að búið er að koma ríkisstjórn Viktor Orbáns frá völdum. Péter Magyar leiðir stuðningsflokk ESB sem er hluti stjórnmálahópsins EPP á ESB-þinginu. Flokkurinn var stofnaður 2021.
Weber viðurkenndi á ESB-þinginu að það sé á dagskrá ESB að koma Viktor Orbán í burtu. Weber sagði, að öfl hliðholl ESB sigruðu þjóðstjórn íhaldssamra í Póllandi og að Péter Magyar muni sigra Orbán í Ungverjalandi.
Orbán sagði:
„Þessu var kastað beint í andlitið á ungversku þjóðinni. Þeir sögðu: Þessu er lokið herra forsætisráðherra. Þú og ríkisstjórn þín getið farið og hér höfum við nýjan verðandi forsætisráðherra og stjórnarflokk. Við í Brussel styðjum þá.“
„Við munum ekki láta það gerast“
Sjáið uppljóstrun Viktor Orbáns hér að neðan:
