Carlo Maria Viganò erkibiskup hefur skrifað opið bréf til bandarískra kaþólikka, þar sem þeir eru hvattir til að endurkjósa Trump forseta. Erkibiskupinn skrifar: „Í þessum kosningum verður þú að velja á milli tveggja róttækra andstæðra leiða við myndun ríkisstjórnar þjóðarinnar: þú þarft að velja á milli lýðræðis og einræðis, á milli frelsis og þrælahalds.“
Kaþólikkar eru enn „stærsti einstaki trúarhópurinn í Bandaríkjunum“ sérstaklega í stóru iðnríkjunum eins og Pennsylvaníu, Michigan, Illinois og Ohio. Það sem er jafnvel mikilvægara er, að meirihluti kaþólikka hefur tilhneigingu til að kjósa sigurvegarann í forsetakosningum. Á Alfred E. Smith minningarkvöldverðinum í New York borg (sem kenndur er við Al Smith, fyrsta kaþólska forsetann) síðastliðinn fimmtudag, fullyrti Trump að hann væri „leiðandi“ meðal kaþólikka og sagði:
„Í Bandaríkjum Donald Trumps getur sérhver kaþólikki iðkað trú sína og menntað börn sín án afskipta ríkisins.“
Varar við fjandskap Harris og Demókrataflokksins
Viganò erkibiskup varar við því, að Kamala Harris og Demókrataflokkurinn séu orðnir fjandsamlegir kaþólsku kirkjunni. Hann skrifar:
„Annars vegar höfum við frambjóðanda og flokk sem stuðlar að öllu sem er beinlínis gegn trú og siðferði kaþólsku kirkjunnar. Í Bandaríkjum Kamala Harris eru kaþólikkar – og einnig mótmælendur – taldir bókstafstrúarmenn og verða jaðarsettir og útrýmt, börn þeirra eru talin eign ríkisins sem tekur réttinn til að afvegaleiða þau frá unga aldri bæði á líkama og sál. Bandaríki Trumps geta orðið frábær og velmegandi aftur. Örlög Bandaríkja Harris er innrás siðferðilegrar, félagslegrar og efnahagslegrar eyðileggingar: hinnar grimmdarlegustu harðstjórnar.“
Gagnrýnir slaufumenningu alþjóða vinstrimanna
Bréf Viganò erkibiskups endurómar gagnrýni á „slaufumenningu“ alþjóða vinstrimanna sem hann tengir við Barack Obama, Hillary Clinton, Joe Biden og Kamala Harris:
„Við erum að tala um tvo gagnstæða og ósættanlega heima, þar sem Trump berst annars vegar gegn djúpríkinu og er staðráðinn í að losa Bandaríkin úr klóm þess samtímis sem við erum með gjörspilltan, fjárglæfralegan frambjóðanda sem er lífrænn hluti djúpríkisins og vinnur sem leikbrúða í höndum stríðsglæpamanna eins og Barack Obama og Hillary Clinton, sjálfskipaðra „mannvina“ eins og glæpamannanna George Soros og Klaus Schwab eða einstaklinga eins og Jeffrey Epstein og Sean Combs. Dagskrá þeirra er stefna alþjóða vinstrisinna, World Economic Forum, Rockefeller stofnunarinnar, Bill & Melinda Gates stofnunarinnar og að lokum Vanguard, BlackRock og State Street.“
LGBTQ+ stefnan gengur gegn kristni á ofbeldisfullan hátt
Hann gagnrýndi LGBTQ+ dagskrána sem hann telur vera andkristna á ofbeldisfullan hátt:
„Þið hafið séð hvað demókratar, það er að segja hinir vókuðu lengst til vinstri, hafa gert á fjórum árum. Ímyndið ykkur þá, hvað þeir munu gera ef varaforseti Biden verður kjörin – í hneykslanlegasta svindli sem hægt er að ímynda sér – ásamt ofurvókuðu fylgdarliði hennar, LGBTQ+ ráðherrum sem hafa selt sig til Kína eða World Economic Forum og njóta fjárhagsstuðning George Soros eða Bill Gates og er stjórnað af Barack Obama og Hillary Clinton.“
Kaball djöfulsins
Viganò erkibiskup lýsir þessum vinstrisinnaða kabal sem djöfullegum:
„Að baki þessa fólks – við eigum að vita það núna – er fólk sem hefur helgað sig hinu illa og sameinast í satanísku hatri gegn Drottni vorum Jesú Krist og þeim sem trúa á hann, aðallega gegn trúuðum kaþólikkum. Við viljum að Kristur ríki og við kunngjörum það með stolti: Kristur er konungur! Þeir vilja að andkristur ríki, en harðstjórn hans er gjörð úr glundroða, stríði, sjúkdómum, hungursneyð og dauða. Og þeim mun oftar sem alþjóða elítan skipuleggur og skapar neyðarástand og kreppur, þeim mun oftar fær þessi elíta ástæðu til að setja nýjar takmarkanir, nýjar skorður gegn grundvallarréttindum og nýtt samfélagslegt eftirlit.“
Donald Trump er eini valkosturinn gegn alþjóða valdaráni vinstri manna
Viganò erkibiskup leggur áherslu á, að Donald Trump sé „eini mögulegi valkosturinn til að vinna gegn alþjóða valdaráni sem vókaðir vinstri menn eru endanlega að innleiða með ómældum skaða fyrir komandi kynslóðir sem aldrei verður hægt að bæta. Viganò lýkur skrifum sínum á því að lýsa siðferðilegri skyldu kaþólikka til að kjósa Trump:
„Ég endurtek: Valið stendur á milli íhaldssams forseta, sem leggur líf sitt að veði í baráttunni við djúpríkið og skrímsli heljar sem hlýðir Satan. Fyrir kaþólikka er það engin spurning: Að kjósa Kamala Harris er siðferðilega óheimilt og afskaplega alvarleg synd. Ekki er heldur siðferðilega hægt að sitja hjá, því að í þessu stríði er hlutleysi það sama og að vera á bandi óvinarins.“
Hér má lesa meira um afstöðu erkibiskupsins til valdaráns glóbalistanna: fyrri hluti og seinni hluti.
Í júlí síðastliðnum bannfærði Frans páfi Viganò erkibiskup fyrir andstöðu hans við Vatíkanið II og harða gagnrýni Viganò á stuðning Frans páfa við „vókaða“ stefnu LGBTQ+. Erkibiskupinn svaraði þá fyrir sig með yfirlýsingu „J’Accuse“ Carlo Viganò erkibiskup skrifaði Ákall til jarðarbúa 16. nóvember 2021 um stofnuna alþjóðlegs bandalags gegn glóbalismanum, sjá pdf á íslensku hér að neðan:
