Árlegri gleðihátíð hinsegin er nýlokið á landinu, gleðiganga farin og trans regnbogafánar virtust á hverju húsi.
Íris Erlingsdóttir, fjölmiðlafræðingur, var stödd á landinu og fór meðal annars í gleðimessu þar sem lagið Don´t cry for me Argentína var flutt við hlið transfána í kirkjunni. Hún segir einkennilega tilfinningu hafa komið yfir sig, transfánar út um allt, kannski eru allir öðruvísi og hinsegin í húmi rökkurs á Íslandi sem ekki játast undir hin nýju transtrúarbrögð sem þjóðkirkjan gerði sérstaka auglýsingamynd um.
Páll Vilhjálmsson telur þörfina ekki eins mikla í dag og áður, þegar litið var á samkynhneigða frá sjónarhóli fordóma. Trans hins vegar er allt annað mál, þar sem börnum er talin trú að þau geti valið hvaða kyn þau vilja verða þegar þau stækka. Þar sé verið að halda kynlífsspurningum að ókynþroska börnum sem alls ekki er við hæfi og boðskapurinn eins og sértrúarbrögð.
Varðandi ESB telur Páll að ríkisstjórnarflokkunum hafi mistekist að ná tilætluðu flugi í ESB-málin með heimsókn Ursulu von der Leyen. Þar hafa íslenskar stöllur hennar misstigið sig herfilega með samstarfsviljayfirlýsingum sem hafa fengið þveröfug áhrif, þar sem margir telja að aðlögunarferlið sé komið í gang enn á ný, þrátt fyrir loforð ríkisstjórnarinnar um að hreyfa ekki við aðildarumsókn fyrr en eftir þjóðaratkvæðagreiðslu.
