„Mesta ógn við mannkyn er ekki hungursneyð, jarðskjálftar eða örverur…..heldur geðrænir faraldrar….hrikalegri en verstu náttúruhamfarir.“
Verstur slíkra faraldra væri
„fjöldasturlun, brjálæðisfaraldur þegar stór hluti samfélagasins verður raunveruleikafirrtur“
og trúir fáránlegum staðhæfingum eins og þeim að hægt sé að skipta um kyn.
Carl Jung
Í þessum þætti segir Íris Erlingsdóttir frá högum sínum í Bandaríkjunum áður en heimsmálin eru rædd. Íris skrifaði greinina „Trump: ljótur kall – Zelensky: góður kall“ um frægan fund í þeirra í Hvíta húsinu fyrir helgi. Ræddu þau Gústaf Skúlason um fundinn og Íris upplýsti um þá ótrúlegu staðreynd að orðið fyrirsát var á toppnum út um allan heim samtímis á fréttamiðlum eftir fundinn.
Af því má ráða að fátt er um sjálfstæða blaðamennsku hjá helstu fjölmiðlum heims heldur virðast flestir fá eina frétt sem er afrituð og birt hugsunarlaust. Hér er að sjálfsögðu rætt um meint „fyrirsát“ Bandaríkjaforseta og varaforseta fyrir Zelenský forseta Úkraínu. Leiðtogar ESB-ríkjanna garga, Starmer safnaði saman helstu elítu sósíalíska Internationalen í London sem kalla sig „bandalag þeirra viljugu“ til áframhaldandi stríðs í Úkraínu.
ESB mun tilkynna nýja varnarstefnu ESB í Evrópu sem sumir segja að þýði myndun ESB hers. Friðarbandalag breytist í stríðsbandalag.
Fyrrverandi forsætisráðherra Svíþjóðar Carl Bildt segir Trump stjórnina í Washington vera sams konar og einræðisstjórn Norður-Kóreu. Hann lýsir Trump nýjum andstæðingi „frelsiselskandi ESB“ því Trump hafi alltaf verið Rússavinur. Yfir heila heimsálfu hljóma köllin:
Fyrirsátur, fyrirsátur!
Fjöldasturlun – múgsefjun – heilaþvottur – innræti – orðin eru mörg en eins og Carl Jung skrifar:
„Mesta ógn við mannkyn er ekki hungursneyð, jarðskjálftar eða örverur…..heldur geðrænir faraldrar..“
