Thjodolfur

frjals og fullvalda

Thjodolfur

frjals og fullvalda

Vesturlönd vilja kljúfa Rússland upp í smáríki – og gleypa þau

Gústaf Skúlason

Hvers vegna hefur Ursula von der Leyen farið ellefu sinnum til Kænugarðs?

Hvers vegna halda stjórnmálamenn Evrópu áfram stríði sínu gegn Rússlandi? Málið snýst ekki um að verja Úkraínu heldur um að reyna að kljúfa Rússland í smáríki og ná yfirráðum yfir þeim. Þetta var rætt í þættinum Greining heimsmála á Swebbtv (sjá myndskeið að neðan).

Hvers vegna hefur Ursula von der Leyen, forseti framkvæmdastjórnar ESB, heimsótt Úkraínu ellefu sinnum frá því stríðið hófst? Landið er ekki einu sinni aðildarríki ESB. Meðal annars er fjallað um þá spurningu í nýjum þætti Greining heimsmála á Swebbtv.

Málið er ekki að verja Úkraínu. Chris Forsne segir:

– Samkvæmt Richard Wolff er markmiðið að koma Pútín frá völdum og kljúfa Rússland upp í smáríki eða smærri svæði sem síðan yrðu undir áhrifum ESB og einstakra Evrópuríkja. Með því að veikja Rússland og brjóta það upp í smáríki gætu þau aukið eigið efnahagslegt og pólitískt vægi. Þá verður þetta langvarandi stríð líka skiljanlegra. Hvers vegna heldur það annars áfram?

– Það hlýtur að vera ástæða fyrir því. Hvers vegna hefur Ursula von der Leyen farið ellefu sinnum til Kænugarðs, eins og hún hefur sjálf bent á? Hvað er svona mikilvægt við þetta ríki sem er ekki einu sinni í ESB? Það hlýtur að liggja eitthvað að baki. Hver er hinn raunverulegi andstæðingur? Rússland.

Mikael Willgert þáttastjórnandi segir að markmiðið sé að ná yfirráðum yfir Rússlandi, en landið sé einfaldlega of stórt. Ef því yrði hins vegar skipt upp í smáríki gæti ESB auðveldlega gleypt þau hvert af öðru. Forsne segir:

– Hvers vegna halda þeir áfram á þessari braut og hella ótrúlegum fjárhæðum í Úkraínu? Vegna þess að það býr ákveðin hugsun að baki. Það er ekki Úkraína sem þeir vilja verja. Þeir nota Úkraínu sem stökkpall til að komast að Rússlandi.

Áhugaverðar fréttir