Klaus Schwab og Alþjóðaefnahagsráðið World Economic Forum, WEF, eru sökuð um að hafa falsað alþjóðleg gögn til að gera lítið úr Brexit. Samkvæmt lekinni rannsókn var velgengni Bretlands þögguð niður til að hræða önnur lönd frá því að láta sér detta í hug að yfirgefa ESB. Núna vaxa kröfur um að stöðva ítök elítunnar á alþjóðlegri skipan mála.
The Telegraph greinir frá því Alþjóðaefnahagsráðið, WEF, hafi meðal annars hagrætt framleiðslutölum Bretlands til að láta líta svo út að Brexit hafi haft neikvæð áhrif á samkeppnisstöðu Bretlands í skýrslu um alþjóða samkeppnishæfni. Uppljóstrunin hefur vakið mikla athygli þar sem skýrslan var birt skömmu eftir Brexit-þjóðaratkvæðagreiðsluna og var notuð til að sverta þá mynd að Bretum tækist að stjórna landinu utan ESB.
Gagnrýnendur Alþjóðaheilbrigðismálastofnunarinnar WEF óttuðust að Brexit myndi hvetja önnur lönd til að hætta við yfirþjóðlegt samstarf og þar með ögra þeirri alþjóðlegu skipan sem samtökin standa fyrir.
Ákvörðun Bretlands um að yfirgefa Evrópusambandið eftir þjóðaratkvæðagreiðslu BREXIT árið 2016, hefur lengi verið tákn um sjálfsákvörðunarrétt þjóðarinnar. Stuðningsmenn hafa bent á að ákvörðunin hafi gefið landinu aftur stjórn á löggjöf, viðskiptum og landamærum, en andstæðingar hafa varað við efnahagslegri áhættu.
Mikilvægt fyrir ESB að Bretland sýndi lélegri tölur eftir útgönguna
Í skýrslu frá 2017 klifraði Bretland úr sjöunda sæti í fjórða sæti. Skömmu síðar skrifaði Schwab starfsfólki sínu að ekki mætti sjást að neinar framfarir ættu sér stað í Bretlandi því það „Brexit-sinnar myndu notfæra sér það.“ Lokaskýrslan sem kom út sýndi í staðinn að landið hefði fallið niður í áttunda sæti, að sögn GB News.
Nigel Farage, leiðtogi Umbótaflokksins, sagði:
„Allar samsæriskenningar um Klaus Schwab eru núna sannaðar. Hann er hættulegur alþjóða stjórnandi.“
Richard Tice, varaformaður Umbótaflokksins, segir:
„Það kemur ekki á óvart að hið alþjóðlega WEF virðist hafa afbakað staðreyndir til að hindra að fullveldi og sjálfstæði séu kynnt sem eitthvað jákvætt.“
Gagnrýni eykst stöðugt gegn stofnunum elítunnar. Lord Frost sem leiddi samningaviðræðurnar um Brexit segir:
„Það er sjaldgæft að við fáum svona skýrar sannanir fyrir fjandskap alþjóðlegu yfirstéttarinnar gagnvart þjóðlegu fullveldi.“
Priti Patel, fyrrverandi utanríkisráðherra, segir upplýsingarnar vera „svartan fblett á orðspori WEF.“ Hann segir upplýsingarnar „óásættanlegar.“
Spurning um sjálfstæði og gegnsæi
Uppljóstranirnar hafa leitt til nýrra krafna um að þjóðríki efli eigin hæfni til að greina efnahagsþróunina frekar en að reiða sig á alþjóðastofnanir. Margir aðilar telja að óháð greiningartæki séu lykillinn að því að koma í veg fyrir álíka skemmdarverk í framtíðinni.