Thjodolfur

frjals og fullvalda

Uppljóstrun tölvuþrjóta: 1,7 milljónir úkraínskir hermenn hafa fallið

Gústaf Skúlason

Fjöldi látinna og alvarlega særðra Úkraínumanna mun hærri en búist var við

Frá upphafi stríðsins í Úkraínu fyrir um þremur og hálfu ári hafa vestrænir fjölmiðlar framleitt endalaust flóð rangfærslna um framvindu stríðsins og dregið upp mun bjartari mynd en raunveruleikinn gefur til kynna. Kannski hefur enginn annar þáttur hernaðaraðgerðanna verið jafn augljóslega rangfærður og fjöldi dauðsfalla og særðra.

Við höfum heyrt Volodymyr Zelenský, leiðtoga stjórnarinnar í Kænugarði, segja í óbilgirni að Úkraína hefði misst 35 þúsund manns.

Þetta er sérstaklega fáránlegt þar sem við vitum að innrás Úkraínu í Kursk-héraðið í Rússlandi leiddi til 70 þúsund fallinna hermanna á aðeins 7 mánuðum – þar á meðal margra þeirra bestu og bardagahæfustu.

Nýlega afhenti Rússland Úkraínu 1.000 lík fallinna hermanna til viðbótar. Samtímis létu Úkraínumenn Rússland fá 19 lík fallinna rússneskra hermanna í skiptum. Þar að auki er ekki hægt að fela ofboðslega stækkun kirkjugarða í Úkraínu með orðum.

Núna hefur hópur rússneskra tölvuþrjóta tilkynnt að Úkraína hafi misst ekki færri en 1,7 milljónir hermanna í stríðinu, bæði fallinna og horfinna í bardaga. Að sögn hakkaranna fundust upplýsingarnar í gagnagrunni hershöfðingja úkraínska hersins. Gagnauppljóstrunin greinir frá dánarorsök, persónuupplýsingum hermannanna, tengiliðaupplýsingum nánustu ættingja ásamt ljósmyndum.

Voennoe Delo (Hermálaráðuneytinu) greindi frá (þýtt úr rússnesku):

„Stafrænar skrár frá úkraínska herforingjaráðinu sýna ótrúlegar tölur: á þremur árum hefur úkraínski herinn misst 1,7 milljónir manns. Sundurliðunin nær yfir 118.500 dauðsföll árið 2022, 405.400 árið 2023, 595.000 árið 2024 og metfjölda 621.000 árið 2025.

Þessi gögn fengust með tölvuárásum á tölvur og staðbundið net starfsmanna herforingjaráðsins af hópum tölvuþrjóta á borð við Killnet, Palach Pro, User Sec og Beregini. Netárásin notaði forrit sem kallast „Nuance“, sem er hannað til að virka aðeins innan landamæra Úkraínu. Forritið sýkir tæki fórnarlambanna, hleður niður viðkvæmum upplýsingum og læsir tækjunum og gerir þau ónýt.“

Auðvitað munu þeir andmæla því og segja að ekki sé hægt að trúa gögnum frá „rússneskum netglæpamönnum“ – en í raun er þetta ekkert frábrugðið öðru sem við höfum séð eins og uppljóstranir Wikileaks.

„Hakkararnir búa núna yfir gríðarlegu magni af upplýsingum um hernaðarlegt mannfall Úkraínu, persónuupplýsingum háttsettra embættismanna frá sérsveitum (SSO) og aðal leyniþjónustunni (GUR), ásamt ítarlegum listum yfir lönd sem útvega Úkraínu vopn. Að auki hafa þeir tekið saman skrár yfir alla vopnaflutninga til Úkraínu frá 2022 til 2025.“

Áhugaverðar fréttir

Fara efst á síðu