Staða úkraínuhers er óbærileg, einn úkraínskur hermaður berst gegn ofurliði tíu rússneskra. Langvinn þreyta, uppgjafarandi og aukin liðhlaup eru áberandi. Ástandið er sérstaklega slæmt í Pokrovsk og á austurvígstöðvunum, að sögn CNN.
Það gengur illa fyrir Úkraínu í stríðinu gegn Rússlandi. CNN varar við því, að Úkraína standi höllum fæti og glími við „lélegan stríðsmóral og vaxandi liðhlaup.“ Úkraínskur herforingi segir við CNN:
„Allir virkir hermenn yfirgefa ekki stöður sínar en meirihlutinn gerir það. Þegar nýir hermenn koma hingað, þá sjá þeir hversu slæmt ástandið er. Þeir sjá mikið af drónum óvinarins, stórskotaliðs- og sprengjuvörpum.”
Þeir sem komast lifandi frá vígvellinum snúa ekki aftur
Úkraínsku hermennirnir fara einu sinni á vígvöllinn. Komast þeir lifandi þaðan, þá snúa þeir ekki aftur. Í byrjun stríðsins gátu yfirvöld ráðið sjálfboðaliða í herinn. Núna eru menn þvingaðir í herinn. Þegar ástandið á vígvellinum versnaði, þá fjölgaði þeim sem gáfust upp.
Saksóknarar hófu sakamál gegn tæplega 19.000 hermönnum sem annað hvort hættu í hernum eða gerðust liðhlaupar á fyrstu fjórum mánuðum ársins 2024. Tölurnar líklegast ófullnægjandi. Nokkrir herforingjar sögðu CNN, að margir yfirmenn vildu ekki tilkynna um liðhlaup eða óleyfilega fjarveru hermanna. Þeir vonast til að geta sannfært þá um að snúa aftur af frjálsum vilja, án þess að sæta refsingu.
Meira en milljón Úkraínumanna eru í þjónustustörfum í varnar- og öryggissveitum landsins. Allir eru þá taldir – líka þeir sem eru á skrifstofum langt frá fremstu víglínu. Sókn Úkraínu inn í Kúrsk í Rússlandi stappaði stálinu í hluta hersins en langt í frá hjá öllum hermönnum. Einn þeirra segir við CNN, að eftir þriggja ára stríð sé allt „eins.“
Drápstæki á leiðinni til Úkraínu sem geta leitt til allsherjar kjarnorkustríðs
Einræðisherrann Zelensky dansar eftir pípu hernaðarelítunnar í Pentagon og hefur tekist að eyðileggja úkraínsku þjóðina kynslóðir fram í tímann. Hann reynir á síðustu stundu að herða einræðistökin með því að sparka ráðherrum úr stjórninni. Zelensky keyrir á neyðarlögum og hefur nýlega fengið vilyrði Nató til að skjóta á skotmörk langt inni í Rússlandi. Rússar segja að farið sé yfir rauða strikið ef Úkraína fær aðgang að langdrægum eldflaugum Bandaríkjamanna til að framkvæma árásirnar. Sendingar Bidens eru þegar hafnar. Drápstækin á leiðinni sem gætu leitt til allsherjar kjarnorkustríðs. Friðartal Zelensky er blekkingin tóm.
Á Íslandi strjúka ráðherrar vinstri stjórnarinnar ánægðir kviðinn. Þeir fá klapp á öxlina frá alþjóðlegri elítu fyrir dugnaðinn að standa að útrýmingu úkraínsku þjóðarinnar.
