Thjodolfur

frjals og fullvalda

Tucker: Bandaríkin hafa tapað umboðsstríðinu gegn Rússlandi

Gústaf Skúlason

Úkraínustríðið er tapað og það þýðir að Bandaríkin hafa tapað stríði gegn Rússlandi á meðan Úkraína var þurrkuð út. Hinn heimsfrægi blaðamaður Tucker Carlson heldur þessu fram í nýjum tveggja tíma viðtalsþætti með Alex Jones sem þekktur er fyrir eigin miðil Upplýsingastríð eða Infowars (sjá X að neðan).

Bandaríkin töpuðu stríðinu gegn Rússlandi – nefnilega umboðsstríðinu í Úkraínu gegn Rússlandi. Valdaelítan á Vesturlöndum neitar að viðurkenna það. Hvernig gat þetta gerst og hverjar verða afleiðingarnar? Tucker Carlsson sagði:

„Það sem enn hefur ekki komist inn í heila þeirra sem taka ákvarðanir í Washington er að við höfum nýlega tapað stríði gegn Rússlandi. Bandaríkin leiddu það stríð. Bandaríski herinn, Pentagon, utanríkisráðuneytið, CIA, leiddu þetta stríð gegn Rússlandi.“

„Það var aldrei um Úkraínu. Öllum í Washington er sama um Úkraínu og þá hundruð þúsunda úkraínskra manna sem hafa verið drepnir. Ég meina, við höfum útrýmt Úkraínu. Öllum er sama. Þetta var stríð gegn Rússlandi. Þeir hata Rússland af mörgum ástæðum en sérstaklega af andlegum ástæðum. En við töpuðum!“

Og þetta þýðir, útskýrir Tucker Carlson, að Bandaríkin hafa ofmetið eigin styrk. Tucker líkir þessu við fráskilda 60 ára karlmenn sem sækjast efir ungum konum. Slíkir menn eru ekki í sambandi við raunveruleikann. Þeir halda enn að þeir séu 25 ára. Og á endanum þá niðurlægja þeir sjálfa sig – alveg eins og Bandaríkin hafa gert í stríðinu gegn Rússlandi. Tucker heldur áfram:

„Það sama getur gerst hjá löndum sem telja sig geta haft áhrif á niðurstöður sem þau hafa í raun ekkert vald yfir. Þetta kallast mikilmennskubrjálæði og þannig er heimsveldum eytt og íbúarnir hverfa. Ég er mjög hræddur um það.“

„Við hefðum átt að vita að við gætum ekki unnið hefðbundið stríð gegn Rússlandi. Punktur. Svo hvað segir það um völd okkar?“

Áhugaverðar fréttir

Fara efst á síðu