Donald Trump hnekkir heilagri frásögn glóbalizta um Úkraínustríðið. „Þeir hefðu aldrei átt að hefja það“ sagði Trump á blaðamannafundi á þriðjudag. Orðunum var ekki beint að Rússlandi heldur Zelenskí. „Okkur var ekki boðið“ segir Zelenskí. Trump svarar: „Þú hefur verið þarna í þrjú ár. Þú hefðir átt að klára það. Þú hefðir aldrei átt að byrja á því.“
Donald Trump svaraði spurningum um Úkraínu á blaðamannafundi í Mar-A-Lago í gær. Rússar vilja sjá nýjar kosningar í Úkraínu. Trump er sammála. Trump segir að kannanir sýna að Zelenskí njóti aðeins 4% stuðning landsmanna.
Zelenskí rúinn trausti – 4% styðja hann
Trump lýsir ástandinu í Úkraínu. Skelfingu stríðsins. Öllum mannsdrápunum sem fjölgar sífellt. Vel yfir milljón manns í valnum. Þriðja heimsstyrjöldin bankar á dyrnar. Trump segir.
„Ég hata að þurfa að segja það, en leiðtogi Úkraínu er kominn niður í fjögurra prósenta fylgi.“
Trump heldur því fram að stjórnin í Kænugarði viti ekki hvað varð um helming þeirra peninga sem þeir fengu frá Bandaríkjunum. Trump áætlar að Bandaríkin hafi látið Úkraínu hafa jafnvirði 350 milljarða dollara. Hann veltir því fyrir sér, í hvað allir peningarnir sem sendir voru til Úkraínu hafa farið:
„Ég hef aldrei séð neitt bókhald. Við höfum látið þá fá hundruð milljarða dollara. Ég sé ekkert bókhald.“
Frásögn Úkraínustríðsins ekki sú sem fjölmiðlar miðla
Vesturlönd og Úkraína komast ekki hjá ábyrgðinni á frásögninni um Úkraínustríðið:
„Ég tel mig hafa vald til að binda enda á stríðið. Og það gengur mjög vel. En í dag heyrði ég „Okkur var ekki boðið“ Þú (Zelenskí) hefur verið þarna í þrjú ár. Þú hefðir átt að klára það. Þú hefðir aldrei átt að byrja á því. Þú hefðir getað gert samning.“
Hann gagnrýnir einnig Joe Biden fyrrverandi Bandaríkjaforseta harðlega:
„Hann var svo lélegur við þetta. Svo slæmt. Svo aumkunarvert. Svo sorglegt. Þá er það sagt. Þetta er það sem það er. Þegar ég fór frá völdum var engin hætta á að þetta gerðist en það gerðist vegna þess að við vorum með óhæfa forystu á mörgum mismunandi stigum.“
Fjölmiðlar glóbalizta eru í uppnámi og hrína í einum kór. Í Svíþjóð birti sænska ríkissjónvarpið grein undir yfirskriftinni: „Trump fullyrti ranglega að Úkraína hafi byrjað stríðið.“
RÚV hlýtur að fylgja með. Valkyrjur á eldfjallaeyjunni og á meginlandinu stríðsvæðast. Núna er óvinurinn Rússland OG Bandaríkin.
