Donald Trump, forseti Bandaríkjanna, og utanríkisráðuneytið hafa harðlega fordæmt ákvörðun Frakklands að banna Marine Le Pen, fullvalda leiðtoga Þjóðfylkingarinnar, að bjóða sig fram í forsetakosningunum 2027. Fordæming Bandaríkjanna kemur í kjölfar dómsúrskurðar sem dæmdi Le Pen í fangelsi eftir að hún var fundin sek um fjárdrátt og misnotkun á fjármunum ESB.
Marine Le Pen var dæmd til fjögurra ára fangelsis, þar af tvö ár skilorðsbundin. Jafnframt er henni bannað að gegna opinberu embætti næstu fimm árin sem kemur í veg fyrir að hún geti boðið sig fram í forsetakosningunum 2027. Le Pen er langvinsælasta forsetaefni Frakka samkvæmt könnunum.
Le Monde greinir frá því að saksóknarar hafi haldið því fram að Marine Le Pen hafi tekið fé frá ESB og notað í starfsemi Þjóðfylkingarinnar í Frakklandi. Le Pen, hafnar alfarið ákærunni sem pólitískri árás og mun áfrýja dómnum.
Tammy Bruce, talskona bandaríska utanríkisráðuneytisins, tjáði sig í gær um málið og dró skýrar hliðstæður á milli pólitískra ofsókna gegn Marine Le Pen og sakamálaofsókna gegn Donald Trump forseta. Hún sagðist ósammála blaðamönnum um að Le Pen væri „öfgahægri“ stjórnmálamaður. Bruce sagði:
„Útilokun fólks frá þátttöku í pólitískum störfum er sérstakt áhyggjuefni með tilliti til árása spillts réttarfars gegn Trump forseta hérna í Bandaríkjunum. Við styðjum rétt allra til að segja skoðanir sínar á almennum vettvangi hvort svo sem maður er sammála þeim eða ekki.“
🇺🇸🇫🇷 US condemns the exclusion of Le Pen from the political process and urges the European countries to uphold free speech and freedom in the political process.
— Lord Bebo (@MyLordBebo) April 1, 2025
— US State Department, Tammy Bruce pic.twitter.com/KqT50Y9FKf
Tammy Bruce bætti við:
„Við á Vesturlöndum verðum að gera meira en bara að tala um lýðræðisleg gildi. Við verðum að lifa eftir þeim.“
J.D. Vance varaforseti minnti á grundvöll lýðræðisins í frægri ræðu á öryggisráðstefnu í Þýskalandi:
„Lýðræði byggir á þeirri heilögu meginreglu að rödd fólksins skipti máli. Þar er ekkert pláss fyrir neina eldmúra. Annað hvort heldur þú uppi reglunni eða gerir það ekki.“
Trump calls out the political persecution against Le Pen in France.
— Clandestine (@WarClandestine) March 31, 2025
He said “it reminds me of this country”.
What happened to Trump is not an isolated incident. The Deep State are interfering in elections and engaged in regime-change, around the globe.
pic.twitter.com/tWS5JQTaOt
Donald Trump forseti segir ákvörðun dómstólsins um að meina Le Pen að fara í forsetaframboð vera „mjög stórt mál.“ Hann segir:
„Ég veit allt um þetta og margir héldu að hún yrði alls ekki dæmd. Hún var leiðandi frambjóðandi og verður bönnuð þátttaka í fimm ár. Þetta hljómar mjög líkt og í landinu okkar.“