Í efnahagsaðgerðum sínum frystu yfirvöld Bandaríkjanna m.a. greiðslur USAID í 90 daga á meðan verið væri að rannsaka í hvað peningarnir færu og hvort það þjóni hagsmunum Bandaríkjanna. Trump las meðal annars upp lista yfir mjög aldrað fólk allt að 250 ára að aldri sem fengu greiðslur, þótt hvorki hann eða neinn annar þekktu neinn á þeim aldri! Miklir peningar bandarískra skattgreiðenda fóru til fjölda alþjóðlegra vinstrisamtaka í neti George Soros og núna krefja 63 þeirra skattgreiðendur ESB um styrkina í staðinn.
Viktor Orbán, forsætisráðherra Ungverjalands segir nei við þessum óvæntu nýju útgjöldum ESB og lofar að gera allt sem hann getur til að stöðva áformin. Í færslu á samfélagsmiðlum fordæmir Orbán tilraunir alþjóðahópa sem styrktir eru af Soros til að krækja sér í evrópska skattpeninga. Hann skrifar:
„Ótti okkar hefur ræst. Glóbalízk félagasamtök Soros flýja til Brussel eftir að Trump forseti hættir fjármögnun þeirra í Bandaríkjunum. Nú sækja 63 samtök þeirra um fjármagn frá ESB í skjóli mannréttindaverkefna. Það mun ekki gerast!“
WARNING! Our fears have come true: the globalist-liberal-Soros NGO network is fleeing to Brussels, after President Trump dealt a huge blow to their activities in the US. Now 63 of them are asking Brussels for money, under the guise of various human rights projects. Not going to…
— Orbán Viktor (@PM_ViktorOrban) February 18, 2025
Með þessum skilaboðum svarar Viktor Orbán kalli Alþjóðalögfræðinefndarinnar (ICJ) sem krefjast þessa að skattgreiðendur ESB verði þvingaðir til að greiða starfsemi þeirra ásamt meira en 60 öðrum félagasamtökum George Soros!
Trump gaf nýlega út tilskipun um að frysta alla bandaríska erlenda aðstoð í 90 daga. Að sögn Hvíta hússins hafa fjármunir frá hjálparstofnuninni USAID verið misnotaðir til að fjármagna frjálshyggjuverkefni vinstrimanna sem stangast á við hagsmuni Bandaríkjanna. Meðal dæma sem talin voru upp voru 1,5 milljónir dollara til LGBTQ-samtaka í Serbíu, 2,5 milljónir dollara til rafbíla í Víetnam og 6 milljónir dollara til ferðaþjónustu í Egyptalandi.
Ákvörðunin hefur vakið harða gagnrýni frá vinstri samtökum sem vilja að ESB borgi þeim peninga í staðinn. Í áfrýjun sinni krefjast þeir ESB-styrkja, færri „skrifræðishindrana“ til að flýta peningagreiðslum og að ESB beiti Trump þrýstingi til að endurheimta frysta ríkisstyrki frá Bandaríkjunum.
Orbán hefur lengi verið harður andstæðingur félagasamtaka sem styrkt eru af Soros og sakar þau um að beita sér fyrir fjöldainnflutningi og öðrum róttækum verkefnum. Núna einbeitir hann sér að því ásamt bandamönnum Ungverjalands að koma í veg fyrir að þessi samtök fái að skjóta rótum í Evrópu:
„Við munum ekki veita þeim öruggt skjól í Evrópu! USAID skjölin hafa afhjúpað svindl hins myrka nets glóbalizmans. Við munum ekki falla í þá gildru aftur!“
