Á meðan Bretland og Bandaríkin eru að byrja að jafna sig á trans ofstækinu, þá ríghalda vókistar Transmaníu í kynjafár og réttinn að fá að traðka á konum og börnum. Á Gencept ráðstefnunni sem Eldur Smári Kristinsson, formaður LGB samtakanna, flutti erindi um ástandið í Transmaníu kom fólk fram á eftir og baðst afsökunar á því að til væru svo slæmir einstaklingar í þeirra löndum sem valdið hafa þessari móðursýki og fjöldasturlun á sögueyjunni í norðri. Samtökin 78 á Íslandi hefur orðið ágengt í því að heilaþvo eyjaskeggja og í ofanálag fengið skyldmenni fjölskyldunnar á Bakka, Bakkasystur, til að moka til sín peningum landsmanna og baða út öllum höndum til þykjustuverndar fyrir jaðarsetta hópa.
Það verður fróðlegt að fylgjast með umræðunni, sem hefur verið svo viðkvæm að lögreglan þarf að vakta heimili alþingismanna sem dirfast að halda því fram að kynin séu tvö, punktur. Vonandi getur vókaða RÚV-hefðarfrúin í Efstaleiti lækkað sig niður um einn pinna til að reyna að minnsta kosti að ná andanum, þegar transmálin eru rædd. Eldur Smári Kristinsson er ofsóttur af Samtökunum 78 sem nýlega töpuðu hatursmáli gegn bloggara landsmanna númer eitt, Páli Vilhjálmssyni. Eldur Smári er næstur í ofstækispottinum og réttarhöld vegna kæru S78 gegn honum eru á komandi dögum.
Á ráðstefnunni var einnig annar Íslendingur, Sigurgeir Sigurgeirsson barnabókarithöfundur, sem býr í Kaliforníu en hann hefur nýverið sent frá sér barnabókina Pétur sjóræningi (sjá mynd). Alvöru sjóræningjar hafa krók fyrir hendi og ganga með staurfót. Sagan segir frá stráknum Pétri sem vildi verða alvöru sjóræningi en babb kemur í bátinn, þegar strákar í sjóræningjaleik vilja gera leik að alvöru og fara í aðgerð til að láta saga af sér hendur og fætur.
Allir vita að það er hægt að fara í sjóræningjaleik án þess að þurfa að láta aflima sig sem er haldgóð ábending til allra foreldra barna í kynjavanda.
Ræða Elds Smára vakti athygli og núna er því slegið föstu að Ísland er vókaðasta land í heimi. Ástralía og Kanada sem hafa keppt um botnsætið sleppa, því fjöldasturlun transmanísku sögueyjunnar er slík að enginn stenst samkeppnina þaðan. Transmanía er tímaskekkja sem bætist ofan á aðrar tímaskekkjur sögueyjunnar.
Framtíðarhorfur Elds Smára?
„Ætli ég verði ekki bara handtekinn, þegar ég kem næst til Íslands. Sakamálarannsókn lögreglunnar hefur staðið yfir í rúmt ár og það á að rétta í máli mínu í þarnæstu viku. Lögreglan virðist vera hætt að fara rúntinn á milli Reyðarfjarðar yfir í Breiðdalsvík enda regnbogavottuð af Samtökunum 78.”
Smelltu á spilarann hér að neðan til að heyra viðtalið:
Eldur Smári skrifar á Facebook:
Þá er klukkan átta að kveldi. Mikið er ég ánægður, þakklátur og blessaður fyrir frábærar móttökur í Albuquerque. Eftir erindið mitt komu mjög margir að máli við mig. Fólk átti hreinlega ekki til orð yfir ástandinu á Íslandi. Mest þóttu Bandaríkjamönnum miður að Íslendingar hefðu gerst svo ólánsamir að flytja inn þennan óskapnað frá hinum enskumælandi heimi, og þá sérstaklega Bandaríkjunum.
Nokkrir tóku viðtal við mig sem munu eflaust rata í ýmsar veitur á borð við Youtube, Spotify og fl.
Eg mun eflaust koma eitthvað aftur til Bandaríkjanna og jafnvel Kanada einhverntímann fljótlega á næsta ári á ný. Restin af árinu er alveg fullbókuð í verkefni á Íslandi, Noregi og Danmörku; og ég ætla að sinna fjölskyldunni minni báðum megin á hnettinum fram yfir áramót.
Ég er svo ÞAKKLÁTUR fyrir stuðninginn og hvatninguna. Ég er svo ánægður með að við vorum þó þrjú frá Íslandi í Albuquerque og ég veit um átta sem fylgdust með í beinu streymi frá Íslandi – kennarar, stjórnmálamenn heilbrigðisstarfsmenn, lögfræðingar og fl.
Mér finnst sárt að tala um land mitt og þjóð mína á þennan hátt, en Íslandi er enginn greiði gerður með því að breiða yfir þá fjöldasturlun sem er í gangi. Ef Ísland væri einstaklingur, þá væri búið að svipta hann sjálfræði og leggja inn á lokaðri deild.
Eitruð samkennd og meðvirkni er ekki í boði. Það er ekki alvöru ást.
Núna þarf Ísland að vakna. Það er kviknað í húsinu og börnin okkar eru inní því.
Við erum ennþá of fá í slökkviliðinu.