Thjodolfur

frjals og fullvalda

Tommy Robinson látinn laus

Gústaf Skúlason

Eftir sjö mánuði í einangrun verður einn þekktasti gagnrýnandi valdhafa Bretlands látinn laus sem er mun fyrr en búist var við. Hann hefur afhjúpað valdníðslu, þöggunarmenningu og svik yfirvalda gagnvart þeim sem mega sín lítils. Nú fagna þúsundir frelsisunnenda þegar honum er loksins leyft að snúa heim.

Tommy Robinson, stofnandi Urban Scoop og þekktur gagnrýnandi valdhafa, er látinn laus úr bresku fangelsi eftir sjö mánaða einangrun, að sögn BBC. Tilkynningin barst eftir að Hæstiréttur mildaði refsingu hans. Robinson var í október dæmdur í 18 mánaða fangelsi fyrir hunsa dómstólinn og hafa brotið gegn fyrri dómsúrskurði.

Hæstiréttur ákvað að svokallaður „skylduhluti“ fjögurra mánaða refsingarinnar yrði felldur niður, þar sem Robinson hefur sýnt „breytta afstöðu“ að mati dómstólsins og fjarlægt efni sem stangast á við ákvörðun dómstólsins. Samkvæmt dómara Jeremy Johnson hefur Robinson lofað að brjóta ekki gegn fyrirmælunum aftur.

Þakkar fyrir allan stuðning

Í opinberri yfirlýsingu frá fulltrúum Robinson segir:

„Tommy er í góðu skapi – hann er spenntur. Hann vill koma á framfæri persónulegum þökkum til ykkar allra – óháðra blaðamanna, hugrakkra stjórnmálamanna og almennings – sem stóðu með honum.“

Búist er við að Robinson verði látinn laus fljótlega en „hann vill bara komast heim til barnanna sinna núna. Hann þarf bara frið og ró“ skrifa ástvinir hans.

Áhugaverðar fréttir

Fara efst á síðu