Breski aðgerðasinninn Tommy Robinson var dæmdur í 18 mánaða fangelsi fyrir birtingu heimildarmyndarinnar Þöggun „Silenced“ (sjá að neðan) í Woolwich Crown Court í gær og fluttur strax í aðliggjandi Belmarsh fangelsi sem hýsir hryðjuverkamenn, morðingja og nauðgara. Blaðamaðurinn Ezra Levant var viðstaddur réttarhöldin og segir frá á X og einnig á Rebelnews.
Dómstóll bannaði sýningu myndarinnar „Silenced“
Tommy Robinson gerði heimildarmyndina „Silenced“ sem segir hvernig breskum dreng, Bailey Maclaren, var lýst sem „rasískum árásarmanni“ þegar hann varðist einelti sýrlenska „flóttamannsins“ Jamal Hijazi í Huddersfield, West Yorkshire.
Myndin var fyrst sýnd í Flórída í maí 2023 af O’Keefe Media Group eftir að dómari hélt því fram að Robinson hefði á einhvern hátt rægt eineltismanninn og dæmdi hann til að greiða 100.000 pund sekt auk málskostnaðar.
Þann 28. júlí 2024 braut Robinson bann dómstólsins við sýningu myndarinnar og sýndi hana fyrir 100.000 manns á Trafalgar Square í London. Robinson var handtekinn í kjölfarið. Robinson hefur birt myndina „Silenced“ á X og hafa yfir 55 milljónir manns séð hana þar. Myndin er sýnd hér að neðan:
Var erlendis þegar mótmælin vegna barnamorðanna brutust út
Eftir að hann var handtekinn og síðan látinn laus 29. júlí þá fór Tommy Robinson frá Bretlandi með fjölskyldu sinni í frí. Í fjarveru hans brutust út óeirðir í Bretlandi vegna skelfilegrar hnífstunguárásar á 13 manns í Southport af 17 ára innflytjenda af Rúanda ættum. Í árásinni drap morðinginn þrjú börn, ungar stúlkur 6, 7 og 9 ára gamlar. Megin fjölmiðlar reyndu að kenna Tommy Robinson um óeirðirnar, þrátt fyrir ítrekaða hvatningu hans í fríinu um friðsamleg mótmæli. Tommy Robinson sneri aftur til Bretlands í síðustu viku til að halda friðargönguna „Sameinum Bretland“ á laugardaginn en var handtekinn á föstudaginn til að koma í veg fyrir að hann gæti tekið þátt í eigin aðgerðum. 100.000 manns mótmæltu afstöðu ríkisstjórnar Verkamannaflokksins í friðsamlegri göngu þar sem einnig var barist fyrir málfrelsi.
Ég er sekur um blaðamennsku
Í gær var Tommy Robinson dæmdur í 18 mánaða fangelsi fyrir glæpinn að „vanvirða ákvörðun dómstóla.“ Af þeim tíma þarf hann að afplána 9 mánuði í einangrun í breska hámarksöryggisfangelsinu HMP Belmarsh sem stjórnmálafanginn Julian Assange var í haldi. Megin fjölmiðlar dreifa þeim ósannindum að Tommy Robinson hafi „játað sekt sína“ að hafa vanvirt ákvörðun dómstólsins. Það hefur Tommy Robinson aldrei sagt heldur sagði hann: „Ég er sekur um blaðamennsku“ (sjá myndskeið hér að neðan):
Ezra Levant hjá Rebel Media sagði frá réttarhöldunum og skrifaði á rebelnews:
„Málfrelsið beið mikið hnekki í dag, þegar Tommy Robinson var dæmdur í 18 mánaða fangelsi fyrir sýningu pólitísku heimildarmyndarinnar Þaggaður „Silenced.“ Gert er ráð fyrir að hann sitji inni a.m.k. níu mánuði. Eftir stutta yfirheyrslu kvað Jeremy Johnson dómari samstundis upp langan dóm þar sem hann virtist lesa úr tilbúnu handriti í tölvu sinni.“
Tommy var samstundis fluttur í Belmarsh fangelsið, alræmdasta fangelsi Bretlands, með hámarks öryggisgæslu enda fullt af harðsvíruðum hryðjuverkamönnum og morðingjum. Á Tommy að dúsa þar í einangrun því búist er við að íslamskir morðingjar myndu ráðast á hann og jafnvel drepa ef hann væri í almennum svæðum fangelsisins.
Níu mánuðir í einangrun er afar óvenjulegur dómur, þar sem almennt er litið sá að um sálrænar pyntingar sé að ræða og svo langur tími í einangrun er bannaður í mörgum fylkjum.
Texti sem Tommy Robinson hafði undirbúið en fékk ekki möguleika á að flytja í dómssalnum:
Tommy Robinson hafði undirbúið texta til að flytja í réttarsalnum en fékk ekki tækifæri til þess. Hann birti því ræðuna á X (sjá hér að neðan) og hvetur alla stuðningsmenn til að lesa hana og dreifa henni áfram:
