Á Íslandi eru stórkostlegar áætlanir um að steina kolefnislosun verksmiðja á meginlandinu í nágrenni Hafnarfjarðar. Þar sem litlar ef þá nokkrar rannsóknir hafa farið fram um afleiðingu 10 borteiga nálægt íbúabyggð Hafnarfjarðar þarf engan að undra, þótt Hafnfirðingar hafi áhyggjur. Fyrirtækið Carbfix reiknar með að steina þrjár milljónir tonna koltvísýrings árlega til að byrja með. Þá er stóra ryksugan á Hellisheiði ekki tekin með í reikninginn.
Á heimasíðu Carbfix segir, að Carbfix hafi byrjað sem verkefni árið 2006 og formlega stofnað af fjórum stofnaðilum árið 2007; Orkuveitu Reykjavíkur, Háskóla Íslands, CNRS í Toulouse, og Earth Institute við Columbia háskóla. Carbfix ryksugar koltvísýring úr andrúmsloftinu á Hellisheiði og þrýstir í jörð og steinar og hefur auglýst sig sem bjargvætt hamfarahlýnunar um allan heim. Heilmiklir peningar eru í húfi, alþjóðasinnar dæla peningum í veruleikaleikrit „Grænu umskiptanna“ á Íslandi. Stjórnvöld leika með og játast undir þá blekkingu „að koltvísýringur sé hættulegur.“ Aðalleikarar eru Guðlaugur Þór Þórðarson orkumálaráðherra, Halla Logadóttir orkumálastjóri, Edda Sif Pind Aradóttur og forseti Íslands Halla Tómasdóttir.
Ómögulegt að aðskilja vissa tegund koltvísýringssameinda frá öðrum
Svo rammt hefur kveðið að þessum áróðri og sýndarverkefni alþjóðasinna, að önnur lönd falla fyrir áróðrinum. Þannig ætlar sænska ríkið að fleygja samsvarandi 500 milljörðum ískr. í ryksugu sem sogar inn koltvísýring til geymslu djúpt í iðrum jarðar. Ryksugan er sögð hafa þann undraverða eiginleika að skilja frá og soga bara inn koltvísýring í andrúmsloftinu sem á uppruna í brennslu líffræðiefna eins og viðar og sorps! Sænski eðlisfræðiprófessorinn Jan Blomgren segir þetta afar undarlegt, því það sé ómögulegt að aðskilja koltvísýringsameindir í andrúmsloftinu samkvæmt grundvallarlögmálum náttúrunnar.
Blomgren skrifar í grein í sænska Epoch Times, að full ástæða sé til að efast um sjálfa grunnhugmyndina, að við verðum að lækka magn koltvísýrings í andrúmsloftinu til að koma í veg fyrir að jörðin farist í loftslagshamförum. Í þessu samhengi má nefna að hlutfall koltvísýrings í andrúmsloftinu er afar lítið: um 400 hlutar á milljón (ppm).
Henrys-lögmálið
Blomgren hefur fengið aðstoð frá eðlisfræðiprófessor Gunnar Holmgren sem kominn er á eftirlaun. Holmgren skírskotar til Henrys-lögmálsins um hvernig lofttegundir hegða sér, þegar þær eru leystar upp í vökva til að gera samanburð við vandann að minnka styrk CO2 í andrúmsloftinu.
Samkvæmt Blomgren hreyfast CO2 sameindir á miklum hraða í andrúmsloftinu, nokkur hundruð metra á sekúndu. Þar sem 70% af yfirborði jarðar er hulið höfum eru miklar líkur á að CO2 sameindir rekist á og fari gegnum vatnsyfirborðið og leysist upp í hafinu. Sameindirnar hreyfast ekki jafn hratt í vatni og í lofti.
Það þýðir samkvæmt Blomgren, að mikið af koltvísýringi hefur safnast fyrir í sjónum, nánar tiltekið 50 sinnum meira en það magn sem er í andrúmsloftinu. Með tímanum hefur myndast jafnvægi milli koltvísýrings í andrúmsloftinu og í sjónum. Það þýðir, að ef þú fjarlægir 100 CO2 sameindir úr andrúmsloftinu munu höfin skila 98 til baka í andrúmsloftið. Það er því sama hversu mikið magn af koltvísýringi er ryksugað úr andrúmsloftinu, þá munu höfin skila til koltvísýringi til baka til að jafna „þrýstinginn.“ Því er peningum skattgreiðenda bókstaflega fleygt í sjóinn í slíkum ryksuguverkefnum.
Gosflöskudæmið
Blomgren gefur fræðandi dæmi um hvað gerist, þegar flaska með kolsýru gosi er opnuð. Kolsýra er ekkert annað en koltvísýringur sem er uppleystur í vatni undir þrýstingi. Þegar flaskan er opnuð hverfur þrýstingurinn og koltvísýringurinn losnar. Ef flaskan er látin standa í smá stund myndast jafnvægi og koltvísýringur hættir að streyma út í andrúmsloftið.
Á Íslandi vinna stjórnvöld sams konar störf og Sísyfus sem bar stein upp bratta brekku og í hvert skipti sem hann kom á toppinn, þá rann steinninn til baka og hann þurfti að bera hann upp brekkuna að nýju. Var þetta eilíf refsing grísku guðanna fyrir þá sérstöku gestrisni hans að drepa jafnan gesti sína til að sýna vald sitt. Það sama má segja um íslensku þjóðina ef hún kýs alltaf fólk sem vinnur fyrir erlendar alþjóðastofnanir í stað þess að fylgja stjórnarskrá lýðveldisins.
Ryksuguverkefnið er Sísyfus leikrit í leikhúsi fáránleikans 2024 með íslensku loftslagsfimleikakonunum Eddu Sif Pind Aradóttir og Höllu Tómasdóttir samanber frétt Reuters:
Leikrit „jafnréttis, hugrekkis og loftslagsaðgerða“
Samkvæmt heimasíðu Carbfix er um að ræða leikrit „jafnréttis, hugrekkis og loftslagsaðgera.“ Þegar allt hrynur munu þvingaðir áhorfendur þurfa að borga brúsann rétt eins og svarthol RÚV og Reykjavíkurborgar.
