Thjodolfur

frjals og fullvalda

Þýskir fjölmiðlar snúa baki við Gretu Thunberg

Gústaf Skúlason

Eftir að Greta Thunberg gerðist opinber gyðingahatari, þá taka þýskir fjölmiðlar afstöðu gegn henni sem atvinnumótmælanda. Sjálfri er Thungberg sama. Hún sagði nýlega hlæjandi í ræðu í Mannheim, Þýskalandi: „Til fjandans með Þýskaland og til fjandans með Ísrael.“

Greta Thunberg hefur verið notuð af loftslagsiðnaðinum sem einn helsti dómsdagspredikari jarðar. Þáttur hennar er virði trilljóna dollara fyrir framleiðendur vindmylla, rafbíla og sólarrafhlaða. Núna hefur dagblaðið Die Welt fengið nóg af gagnrýni Thunbergs á vopnastuðning Þýskalands við Ísrael. Blaðið skrifar:

„Hún var dáð af páfanum, Angelu Merkel og Græningjum. Greta Thunberg kemur núna fram á viðburðum sem hylla gyðingahatur.“

Vitnað er í ræðu sem Greta Thunberg hélt í Mannheim í Þýskalandi nýlega, þar sem hún gagnrýndi stuðning Þjóðverja við Ísrael og vopnasendingar Þjóðverja til Ísraelsstjórnar. Gréta vakti hrifningu viðstaddra með orðunum:

„Til fjandans með Þýskaland – Fuck Germany! – Til fjandans með Ísrael – Fuck Israel!“

Yfirlýsingin hefur vakið mikla gagnrýni frá hægri til vinstri í þýskum fjölmiðlum og lýsa margir yfir undrun sinni á því að Svíinn hafi greinilega sagt skilið við þá sem sköpuðu loftslagsímynd hennar. Þannig skrifar Lina:

„Henni var hrósað af stjórnmálamönnum um allan heim og hafin til skýjanna sem fyrirmynd og uppspretta innblásturs. En þegar hún kaus að standa í baráttunni fyrir Gaza var öllum dyrum lokað og henni úthýst í landi eftir landi.“

Mitul Kanji skrifar:

„Greta hefði auðveldlega getað orðið rík frjálslynd rödd í Davos-elítunni en velur þess í stað að benda á hræsni kapítalismans og heimsvaldastefnu Vesturlanda.“

Sumir láta í ljós stuðning við þessa breytingu Gretu Thunberg og segja hana vera orðna ALVÖRU byltingarkonu sem runnið hafi elítunni úr greipum:

Áhugaverðar fréttir

Fara efst á síðu