Átökin í Úkraínu halda áfram án þess að nein afgerandi úrslit fást eða samið um vopnahlé og friðarviðræður hafnar. Nú berast fregnir af því, að úkraínskir hermenn séu á flótta í stórum stíl. Í stað þess að vinna að friðarviðræðum, þá æsa Vesturlönd Úkraínu til árása á Rússland með langdrægum eldflaugum. Vesturlönd leika sér með eldinn sem stækkar við hvert fótmál og leiðir beint til þriðju heimsstyrjaldarinnar.
FrihetsNytt greinir frá því, að aldrei áður hafi flótti hermanna Úkraínuhers verið jafn mikill og núna. Frá því stríðið gegn Rússlandi braust út í febrúar 2022 hafa yfir 60.000 hermenn gerst liðhlaupar samkvæmt frétt Kyiv Post. Rússneski herinn hefur einnig átt í vandræðum með liðhlaup en ekki í jafn miklum mæli og Úkraínuher.
Þessa frétt má bera saman við „siguráætlun“ einræðisherrans Zelenskí sem hefur sagt í tvö ár að aðeins sé tímaspursmál, þar til Úkraína „vinni stríðið.“ Stríðsæsingur Nató og ríkisstjórnar Bandaríkjanna hefur gert leiðtoga Evrópu blinda, sem bókstaflega öskra á tortímingu Rússlands. Verði þeim að ósk sinni munu þeir tortíma sjálfum sér og vestrænni menningu í leiðinni. Orðið friður er, eins og utanríkisráðherra Ungverjalands sagði, orðið að blótsyrði í salarkynnum ESB.
Vestrænir stjórnmálamenn blindaðir af stríðsæsing
Í stað þess að líta á flótta úkraínskra hermanna sem merki um að stríðið geti ekki haldið áfram og koma eigi á vopnahlé og friðarumræðum, þá er mikil hætta á að örvænting grípi um sig og Úkraína fái fullan aðgang að langdrægum eldflaugum til að skjóta langt inn á rússneskt yfirráðasvæði. ESB og Washington hafa samþykkt enn meiri fjáraustur í stríðsreksturinn sem skattgreiðendur aðildarríkja ESB og Bandaríkjanna eru látnir borga. Keyrt er yfir lýðræðið og óskir fólks um frið fleygt í ruslið. Virðist vera kapphlaup í gangi hversu mikið sé hægt að skaða Rússland áður en Donald Trump verður kjörinn forseti Bandaríkjanna, takist honum að halda lífi fram að forsetakosningum þann 5. nóvember.
Samtímis reyna ýmsir aðilar á sinn hátt að skapa friðarviðræður til dæmis Viktor Orbán, forsætisráðherra Ungverjalands, Olaf Scholz, kanslari Þýskalands og Narendra Modi, forsætisráðherra Indlands. Allir þrýsta þeir á, að friðarviðræður hefjist sem allra fyrst.
