Faðir hinnar myrtu 17- ára Ann-Marie var með Olaf Scholz, kanslara Þýskalands, í sjónvarpsþætti og ræddi innflytjendamálin í Þýskalandi og morðið á dóttur sinni. Á hverjum einasta degi eru um 24-32 hnífaárásir í Þýskalandi. Umræðan og gagnrýni á yfirvöld fyrir að flytja inn morðingja og glæpamenn nær nýjum hæðum í Þýskalandi sem og annars staðar innan Evrópusambandsins.
Shengen samkomulagið er dautt. Hvert ríki á fætur öðru byggir múra til að hindra að ólöglegir innflytjendur komist til þeirra. Það er ekki lengur bara Viktor Orbán eða ættjarðarvinir Póllands sem verja fjölskyldur ríkja sinna og takmarka flæði innflytjenda til landa sinna, Þjóðverjar og Frakkar slást í hópinn líka. Brjálæðisstefna Evrópusambandsins er að flytja 7 milljónir innflytjenda til viðbótar til ESB-ríkjanna til „halda uppi atvinnu og tryggja velferð.“ Önnur eins makalaus bábilja og lygi hefur ekki heyrst á meginlandinu síðan á dögum seinni heimsstyrjaldarinnar. Sænskir kratar eru leiðandi í innflytjendastefnu ESB enda í rassvasa George Soros og Open Society. Hver veit hvað George Soros hefur grætt mikið á mannsmygli síðan ferðum var komið á með „flóttamönnum“ yfir Miðjarðarhafið.
Ann-Marie 17 ára og 19 ára kærasti hennar voru myrt á hrottalegan hátt
Michael Kyrath, sem missti dóttur sína Ann-Marie í janúar 2023, gagnrýndi harðlega stefnu Þýskalands í innflytjendamálum og þær daglegu ofbeldisárásir sem fylgt hafa í kjölfarið. Kyrath var með Scholz í sjónvarpsþætti og beindi orðum sínum til kanslarans:
„Það eru á milli 24 og 32 hnífaárásir á hverjum degi í Þýskalandi. Margar þeirra eru dauðlegar. Á hverjum degi sem við höldum áfram að ræða um málið, þá deyr fólk. Börn eru að deyja. Foreldrar standa við gröf eða kistu barna sinna og strjúka ískalda hönd barnsins síns í síðasta skiptið á ævinni. Þú átt engin börn, þú getur ekki ímyndað þér, hvernig þetta er.“
Þetta er í fyrsta sinn sem kanslari Þýskalands mætir aðstandanda fórnarlambs innflytjendastefnunnar í beinni útsendingu.
Ann-Marie og kærasti hennar Danny voru drepin á hrottalegan hátt í hnífaárás ólöglegs innflytjanda frá Palestínu í lest á leiðinni til Hamborgar. Morðinginn stakk þau yfir 30 sinnum. Morðinginn, sem þegar hafði verið dæmdur fyrir þjófnað, rán og nauðganir og hafði verið vísað úr landi vistaðist áfram ólöglega í landinu. Núna afplánar hann lífstíð í fangelsi í Þýskalandi.
Kyrath spurði hvers vegna slíkir einstaklingar fái yfirleitt að vera í landinu:
„Þetta snýst ekki bara um að vísa fólki úr landi, málið snýst um af hverju þeim var hleypt inn í landið.“
Michael Kyrath nefndi einnig að þýska ríkið fjármagnar vefsíðuna „Handbook Germany“ sem veitir hælisleitendum upplýsingar um, hvernig eigi að komast hjá brottvísun. Scholz fullyrti að ríkið sé hætt að styðja síðuna en NZZ greinir frá því, að það sé ekki rétt og að síðan sé enn fjármögnuð af skattgreiðendum.
Hér að neðan má sjá samantekt Remix fréttastofunnar um málið:
