Þriðjungur kjósenda Demókrataflokksins í Bandaríkjunum lýsa opinberlega yfir vonbrigðum sínum með, að Donald Trump hafi ekki verið myrtur í banatilræðinu sem honum var sýnt nýlega. Kemur þessi afstaða fram í skoðanakönnun Unherd.
Kúlan var aðeins sekúndubroti og millimeter frá því að hæfa höfuð 45. forseta Bandaríkjanna, Donald Trump, sem talaði á kosningafundi þann 13. júlí sem sjónvarpað var frá í beinni. Trump hafði englavernd, því hann snéri höfðinu á sama augnabliki og morðinginn skaut kúlunni, þannig að hún fór í hægra eyra hans í staðinn fyrir heilann. Hefur það vakið athygli, að áróður og lygar demókrata um, að fylgismenn Trumps séu upp til hópa „ofbeldissinnaðir hægri menn,“ hversu friðsamir þeir hafa verið eftir morðtilraunina. Má bera það saman við marxíska skemmdarvarga sem kveikja í húsum, eyðileggja menningarverðmæti og berja fólk, fái þeir ekki sínu framgengt.
Óska sér að kúlan hefði hitt
Margir vinstrimenn í Bandaríkjunum eru í vandræðum með að leyna vonbrigðum sínum yfir því, að Trump lifði af banatilræðið. Kom það meðal annars í ljós, þegar Unherd gerði skoðanakönnun um málið þann 18. júlí s.l. Þriðjungur kjósenda demókrata voru sammála fullyrðingunni: „Ég vildi að morðinginn hefði ekki misst af Trump.“
Trump-hatur er enn mikið meðal vinstri kjósenda í Bandaríkjunum samtímis sem bandarískir fjölmiðlar hafa örlítið létt á neikvæðri umfjöllun sinni um Trump. Trump var formlega valinn forsetaframbjóðandi repúblikana á landsþingi þeirra nýlega og vinnur að árangri fyrir stjórnmálastefnu flokksins.
