Þjóðólfur birtist landsmönnum um verslunarmannahelgina 2024. Heimilsfang Þjóðólfs á Internet er: thjodolfur.is.
Þjóðólfur berst gegn hvers kyns spillingu eins og þeirri sem birtist í fósturvísamálinu. Þjóðólfur hvetur landsmenn til nýrrar frelsisbaráttu í hverfulum heimi. Það er vá fyrir dyrum. Þjóðin ræður ekki eigin málum heldur hlítir tilskipunum útlendra wefara sem spinna örlagavefi helsis og ánauðar. Ísland er þátttakandi í styrjöld í Austurvegi sendandi vopn á vígaslóð. Ráðamenn hafa snúist gegn eigin þjóð. Þjóðólfur mælir fyrir friði líkt og forfeður okkar nú þegar leiðtogar okkar eru á heljarslóð. Vísbendingar eru um að Ísland nýrrar aldar sé að fá stöðu nýlendu; fiskimið og orkulindir úr landi, hvers kyns úrgangur til urðunar í íslenska náttúru sem jafnframt skal þekja vindmyllum. Þjóðólfur vill fullveldið heim, sameina alla Íslendinga undir merkjum lýðveldisins, frjáls og fullvalda þjóð sem virðir rétt þegna sinna til þess að tjá skoðanir og virða trú allra. Þjóðólfur stendur vörð um helgi lífs, bæði kyn, frelsi einstaklinga, auðlindir í þágu þjóðar og réttarríkið.
Stofnendur Þjóðólfs
Stofnendur Þjóðólfs eru Hallur Hallsson, ritstjóri, búsettur á Akureyri, Gústaf A. Skúlason, fréttaritari, búsettur í Stokkhólmi, Svíþjóð. Konráð Pálmasyni vefstjóra í Sydney er þakkað hans framlag við uppsetningu miðilsins.
Hallur Hallson, ritstjóri Þjóðólfs. Hallur er þjóðkunnur sagnfræðingur, blaða- og fjölmiðlamaður til margra ára. Hallur Hallsson var einn stofnenda Dagblaðsins árið 1975 og var blaðamaður á Morgunblaðinu 1979 til 1986. Þá var hann fréttamaður í Sjónvarpinu á árunum 1986 til 1989, og á Stöð 2, frá árinu 1989 til 1994, sem og álitsgjafi á ÍNN 2008-2020.
Gústaf Adolf Skúlason, fréttaritari, Stokkhólmi, Svíþjóð. Þátttakandi í þjóðfélagsumræðunni með greinarskrifum og fréttum m.a. af hömlulausum fólksinnflutningi til Svíþjóðar sem hefur m.a. fætt af sér glæpahringi í Svíþjóð sem því miður eru að ná fótfestu á Norðurlöndum.
