Íris Erlingsdóttir og Gústaf Skúlason ræddu saman um atburði líðandi stundar og varðandi Ísland er afsögn menntamálaráðherrans mikið í fréttum og sú frétt hefur einnig flogið víða um heim. Íris sagði skoðun sína á RÚV sem hún segist þjást af vinstri slagsíðu og vera áróðurstæki valdhafa. Umræðan snérist mikið um femínismann og pólitíska rétttrúnaðinn og rætt var um slíkar konur bæði á Íslandi og í ESB.
Íris sagðist hafa orðið svolítið hissa á því hvað það voru margir á félagsmiðlum á Íslands sem sögðu, að umfjöllun um menntamálaráðherrann Ásthildi Lóu Þórsdóttur væri árás á hana og verið væri að leggja mannorð hennar í rúst. Íris spyr hvort fólk sé að tala um sama hlutinn. Hún bendir á að bæði hjá BBC og CNN var vitnað í íslensku hegningarlögin, þar sem bann er lagt við samræði við börn undir 18 ára aldri ef maður er í leiðandi stöðu fyrir barnið eins og til dæmis við kennslu eða í starfshóp. Íris sagði:
„Þetta er sama fólkið og kallar Eld Smára rasískan og níðing og morðingja fyrir að vilja vernda börn gegn þroskabælandi lyfjum og skurðaðgerðum sem flá af þeim kynfærin. Þessi vinnubrögð minna á hvernig demókratar haga sér núna þessa dagana.“
Íris spyr:
„Ef Trump hefði gert 15 ára stúlku ófríska þegar hann var 22 ára – gætirðu ímyndað þér hvaða læti hefðu þá orðið?“
„Það er bara í vanþróuðum þriðja heims löndum, þar sem fullorðið fólk getur átt í í kynferðislegu sambandi og nánu tilfinningasambandi við 15 ára gamlan ungling og sloppið undan með mannorðið í lagi. Ég skil það ekki. Þetta er bara ekki í lagi. Ég skil skil ekki af hverju fólki finnst þetta í lagi. Það skiptir engu hver á í hlut.“
Vók-stefnan óvinsæl meðal almennings
Íris nefnir bandaríska miðilinn NPR sem femínistar í Bandaríkjunum sölsuðu undir sig og hafa rekið að undanförnu. NPR er núna til athugunar hjá Bandaríkjaþingi vegna þess kostnaðar sem skattgreiðendur standa fyrir eins og hjá RÚV á Íslandi. Þeir hafa misst 40% hlustenda en halda stórri yfirbyggingu stjórnenda með 70-80 demókrötum. Íris segist áður fyrr hafa hlustað á stöðina vegna vandaðra vinnubragða en eftir að femínisminn varð allsráðandi, þá hafi stöðin breyst í sjálfsvorkunnsemi sem veltir sér upp úr fórnarlambataktík og umhverfis- og loftslagshamfaraklámi. Segir hún væl stöðvarinnar hafa keyrt um þverbak og hlustendur flúið í stórum stíl. Líklega hættir ríkið/skattgreiðendur að greiða fé til stöðvarinnar og þá má búast við að hún leggist niður.
Annað dæmi um hina misheppnuðu vók stefnu er nýjasta mynd Disney, Mjallhvít og dvergarnir sjö. Það kostaði um hálfan milljarð dollara að framleiða myndina en fáir eða nokkrir vilja sjá hana. Bíóhúsin eru tóm og Mjallhvít verður líklega ein stærsta tapmynd Disney nokkru sinni.
Rætt um „ferðaviðvörun“ til Bandaríkjanna
Samtökin 78 hafa farið fram á ferðaviðvörun til Bandaríkjanna sem er ekkert annað en pólitískur áróður gegn Bandaríkjaforseta sem hefur sett í lög að kynin eru einungis tvö karl og kona. Vandi transfólks sem er með annað kyn í vegabréfi sínu en stendur á fæðingarvottorðinu getur orðið þeim til trafala en á það má líta sem fölsuð vegabréf.
Konur eru orðnar valdamiklar á Íslandi og Vesturlöndum. Í ESB tróna þær og innleiða ritskoðun og skerðingu frelsis og hrópa stríð, stríð, stríð. Íris Erlingsdóttir segir:
„Þessar konur í Evrópusambandinu eru með meiri háttar Napóleon komplex.“
Smelltu á spilarann hér að neðan til að hlusta á þáttin: