Fimm mínútna myndskeið í netháskóla PragerU. Abigail Shrier rithöfundur leiðir okkur fyrir sjónir það skemmdarstarf sem verið er að vinna á óþroskuðum táningum með kynjaáróðri og óþarfa kynskiptingum sem skólar og yfirvöld steypa börnum út í án vitundar foreldranna. Texti í lauslegri þýðingu hér að neðan.
Ef þú þekkir einhverjar gagnfræði- eða menntaskólastúlkur í dag – eða þú ert það kannski sjálf, þá kæmi það ekki á óvart ef þú þekkir einhvern sem skilgreinir sig sem trans. Nýjustu tölur benda til þess að 2% bandarískra framhaldsskólanema skilgreini sig sem transfólk — og yfirgnæfandi meirihluti þeirra eru unglingsstúlkur. Eingöngu á milli áranna 2016 – 2017 þá fjórfaldaðist fjöldi kvenna sem sóttust eftir kynbreytingaraðgerðum í Ameríku.
Skyndiaukning vandans frá 0,01% upp í 2% íbúa
En ef þú útskrifaðist úr menntaskóla fyrir meira en áratug síðan, þá er ólíklegt að þú þekktir einhvern sem er trans, því samkvæmt „Diagnostic and Statistical Manual of Mental Disorders“ var aðeins einn af hverjum 10.000 einstaklingum, eða 0,01% íbúanna sem hrjáðist af af slíkum vanda. Nánast ekkert þeirra mála varðaði unglingsstúlkur. Reyndar voru engar vísindalegar eða læknisfræðilegar bókmenntir til fyrir 2012 sem fjölluðu um unglingsstúlkur sem vildu skipta yfir í hitt kynið.
Það þýðir ekki að við höfum ekki vitað um transfólk. Kyndysfóría sem eru alvarleg óþægindi í líffræðilegu kyni manns hefur verið rannsökuð í næstum hundrað ár. Það voru næstum alltaf strákar sem fóru að finna fyrir þessu á aldrinum 2-4 ára og sögðu öllum í kringum sig að þeir væru stelpur.
Þegar fyrirbæri sem snertir helming mannkyns – stráka – byrjar skyndilega að hafa áhrif á hinn helminginn – stelpur og þegar aldurinn færist frá leikskóla til unglingsára, þá er eitthvað afgerandi að gerast.
Samfélagsmiðlar hafa mikil áhrif
Árið 2016 byrjaði Lisa Littman, lýðheilsufræðingur við Brown háskóla, að rannsaka skyndilega aukningu í trans-auðkenningu unglingsstúlkna. Hún komst að þeirri niðurstöðu að áhrif jafnaldra og samfélagsmiðla áttu stóran þátt í þessari transtísku meðal unglinga. Þegar öllu er á botninn hvolft, þá hafði engin þessara stúlkna sýnt einkenni kyntruflana í barnæsku að sögn foreldranna.
YouTube, Reddit, Tumblr, TikTok og Instagram hýsa öll vinsæla áhrifavalda á samfélagsmiðlum – útgáfa dagsins af Hollywood-stjörnum – sem halda því fram að ef þér finnst óþægilegt að vera í líkamanum þá ertu líklega trans. Margir lofa því, að ef þú byrjar að taka testósteróín, þá munu öll vandamál þín hverfa.
Það er full ástæða til að ætla, að þessar stúlkur búi við raunverulegan sálrænan sársauka – kvíða, þunglyndi. Það ásamt sjálfsskaða slær met hjá þessari kynslóð. Skyndileiðrétting verður því mjög freistandi. Það þarf því ekki mikið til – YouTube myndband, uppástungu vina – til að stúlka sem á í erfiðleikum falli fyrir þeim hugarburði, að kynjaskipti sé lausn allra vandamála.
Því miður fyrir þessar stúlkur, sem eru ekki með dæmigerð kynjavandamál, þá bjóða kynskipti sjaldan upp á neina lausn. Það eru skelfileg mistök sálfræðinga, kennara og læknastéttarinnar að ýta þessum unglingum í átt að „lausn“ sem næstum örugglega veldur meiri skaða en læknar. Það er enginn ágreiningur um, að óþarfa læknisfræðileg kynjaskipti valda óafturkræfum skaða. Mikil hætta er á ófrjósemi, kynlífsvandamálum án möguleika til varanlegra lækninga.
Það sorglega er, að við höfum gert það allt of auðvelt fyrir krakka að fara þessa leið löngu áður en þau eru sálfræðilega eða tilfinningalega tilbúin til að taka slíka lífsbreytandi ákvörðun. Unglingar fá auðveldlega testósterón í dag. Í Oregon getur 15 ára unglingur gengið inn á kynlækningastofu – já, það eru komnar kynstofur um allt land – og gengið út samdægurs með lyfseðil fyrir testósteróni án leyfis foreldranna. Sextán ára stúlkur geta gengist undir skurðaðgerð og látið fjarlægja bæði brjóstin – án þess að fá leyfi eins eða neins.
Augljóslega leiða flýti-kynjaskipti til mikillar eftisjár – við erum að tala um unglinga hér. Vikulegir vitnisburðir unglinga birtast á YouTube sem segjast hafa gert hræðileg mistök og vara aðra við því að falla ekki í sömu gryfju.
Svo hvernig átt þú að vernda dóttur þína frá því að verða dregin inn í þessa hættulegu og vaxandi þróun?
Fyrst skaltu reyna að takmarka notkun hennar á samfélagsmiðlum eins mikið og þú getur. Margar fræðilegar rannsóknir tengja ógnvekjandi kvíðaaukningu og þunglyndi við refsiupplifun ungra stúlkna á samfélagsmiðlum. Þar eru þær oftast sorgmæddar, einar og finnst þær vera óaðlaðandi.
Í öðru lagi, andmæltu kennslu á kynjahugmyndafræði í skóla barna þinna. Í Kaliforníu byrjar kynvitundarfræðsla í leikskóla og heldur áfram í gegnum menntaskólann. Þemað er, að kynvitund krakka er algjörlega óháð líkamlegu kyni þeirra og eitthvað sem aðeins þau geta vitað um. Skólar geta og eiga að krefjast þess, að sérhvert barn njóti virðingar án þess að verið sé að sá kynjarugli meðal þeirra allra.
Í þriðja lagi, síðast en ekki síst, mundu að táningur er og verður táningur. Þú þarft ekki að vera sammála öllum yfirlýsingum um auðkenni sem dóttir þín kemur með. Þekking á sjálfsmynd hennar mun þróast með tímanum. Þangað til sýnir þú henni mestan kærleika með því að vera sá fullorðni í sambandinu.
Ég er Abigail Shrier, höfundur Óafturkræfs tjóns: „The Transgender Craze Seducing Our Daughters“ hjá Prager University.
