Þakka ber Snorra Mássyni fyrir (að þora?) að segja hið forboðna á Íslandi í dag: Það eru bara til tvö kyn, karl og kona. Ekkert lýsir þeirri hugmyndafræði og akademísku kreddukenningu um fjölda kynja eins vel og hin ofsafengnu og yfirdrifnu viðbrögð við einfaldri fullyrðingu hans um að kynin séu „aðeins“ tvö. Sá sértrúarsöfnuður sem stofnaður hefur verið um óteljandi kyn og sjálf Þjóðkirkjan breiðir út – vinnur gegn kristinni trú um að Guð hafi skapað manninn í sinni mynd: karl og konu, Adam og Evu. Margra alda sannindi og samviska eru að engu höfð í nýjum árásum á fagnaðarboðskap kærleika og ljóss.
Meðlimir fjöldakynjasértrúarsafnaðarins segjast fyrir löngu hættir að tala um tvö kyn en geta svo ekki svarað því hversu mörg kynin séu. „Af því bara“ rökin hafa nú ekki verið upp á marga fiska: persónulegar móðganir í garð Snorra efst á blaði, lygaásakanir um að Snorri sé samfélagslega hættulegur maður sem hvetur til ofbeldis og sjálfsvíga lendir í öðru sæti og að Snorri vilji vera Trump á Íslandi í þriðja sæti. Sjálfumglaðir skólastjórar flagga transfánanum gegn Snorra og borgarfulltrúar Reykjavíkurborgar að meðtöldum fulltrúum Sjálfstæðisflokksins samþykkja ályktun til stuðnings transfólki í mótmælaskyni. Það var að vísu löngu vitað að hugmyndafræði Samtakanna 78 hefur yfirtekið borgina. Stefna haturssafnaðarins út í þá sem sammælast kristnum fræðum er að svona umræðu megi ekki taka og flaggskipið sjálft RÚV, leyfir ekki athugasemdir við fréttir um málið.
Hrækt á Snorra
Hatur þeirra rétttrúuðu á Snorra lýsir sér vel:
- vælir eins og kjáni
- geltir eins og kjáni
- svo mikil hræsni
- torfbær í jakkafötum
- svo sorglegur
- fulltrúi óttans
- boðberi afturhalds
- boðberi myrkurs
- tækifærissinni
- popúlisti
- segir að jörðin sé flöt
- fordómafullur
- á ekki að koma nálægt opinberum störfum
Snorri borinn fölskum ásökunum um ofbeldi gegn trans og fjölgun sjálfsvíga
- fær jaðarhópa til að bregðast við og beita ofbeldi
- fjölgar sjálfsvígum
- banna á að ræða transmál á degi forvarna gegn sjálfsvígum
- landið og samfélagið í hættu
- grefur undan öryggi hinsegin fólks
- hættulegra samfélag fyrir trans og börn
- er hættulegt fyrir alla í samfélaginu
- Rúv og Snorri minnka ekki sjálfsvíg
- þunglyndi, kvíði og sjálfsvígshugmyndir algengari hjá þeim sem verða fyrir félagslegri útskúfun
- tilheyrir hópi fólks sem gerir mestan skaða
- leiðir til hættulegra samfélags fyrir transfólk og konur
Snorri vill verða Trump Íslands
- í samræmi við handritið frá Bandaríkjunum
- flytur heim glataða umræðu frá Bandaríkjunum
- þekkt frá Bandaríkjunum og Bretlandi
- vill verða Trump Íslands
Halda mætti að Samtökin 78 og fylgjendur þeirra með biskupinn í fyrsta sæti væru útibú Kölska á Íslandi, slíkur er fnykurinn í eldspýjum þeirra vegna fullyrðingar Snorra Mássonar um tvö kyn. En eins og venjulega, þá glymur hæst í tómri tunnu.
Samtökin 78 nota almannafé til að njósna um skoðanir fólks á samfélagsmiðlum og kæra þá sem ekki eru þeim sammála, svo Snorri má búast við kæru eins og Helga Dögg Sverrisdóttir, Eldur Smári Kristinsson, Páll Vilhjálmsson og eflaust fleiri hafa fengið. Samtökin 78 nota nytsama fábjána sem þykjast vera stjórnmálamenn eins og borgarfulltrúa Reykjavíkur til að stela fé úr vösum almennings til að senda fólk í Pride göngur víða um heim. Samtökin 78 eru fulltrúar útbreiðslu hugmyndafræði glóbalizmans sem ræðst á kristin manngildi og vilja eyðileggja stærsta kærleik lífsins: fjölskylduna. Móður, föður, son og dóttir. Karlmann, konu, systir og bróður.
Sannleikurinn er stærsta ógn sértrúarsamtakanna 78 og fylgjendum þeirra. Þess vegna verður að banna hann.