Það hefur ALDREI verið sannað að koltvísýringur hiti upp andrúmsloftið

Prófessor Ian Plimer heldur á nýrri bók sinni um loftslagsmálin: Loftslagsbreytingar, staðreyndirnar 2025. (Skjáskot YouTube).

Loftslagstrúarbrögðin eru svindl og byggja á forsendum sem aldrei hafa verið sannaðar. Þetta segir ástralski jarðfræðingurinn og prófessorinn Ian Plimer í nýjum fyrirlestri (sjá YouTube að neðan).

Ian Plimer hrekur loftslagstrúna í nýlegum fyrirlestri hjá „Institute of Public Affairs.“ Það sem hamfarahlýnunar- og heimsendaspámenn halda fram hefur ALDREI verið sannað. Ian Plimer segir:

„Þær eru margar vísbendingarnar sem sýna að koltvísýringur getur ekki ýtt undir loftslagsbreytingar. Og við sjáum það yfir jarðfræðilegan tíma. Það hefur verið umtalsvert meira af koltvísýringi í andrúmsloftinu en við höfum núna og hvað gerðist þá? Við höfðum ísöld. Svo koltvísýringur getur ekki orsakað hlýnun.“

Plimer segir að hann spyrji fólk sem þykist vera loftslagsvísindamenn en að hans sögn væru margir slíkir atvinnulausir, ef þeir gætu ekki lifað á skattgreiðendum sem fjármagna loftslagsmálin:

„Ég spyr þá alltaf einfaldrar spurningar: Geturðu vinsamlega sýnt mér, hvernig kolefnislosun manna ýtir undir hlýnun jarðar? Slíkt hefur aldrei verið gert. Það hefur aldrei verið gert! Þannig að allt er þetta eins og spilaborg. Öll þessi eyðilegging á góðu ræktuðu landi með vindmyllum og sólarrafhlöðum byggir á forsendum sem aldrei hafa verið sannaðar!“

„Öll þessi loftslagstrúarbrögð byggja á einhverju sem aldrei hefur verið sannað! Aldrei hefur verið sýnt fram á, að losun manna ýti undir hlýnun jarðar. Og ef hægt væri að sýna fram á það, þá þyrfti að sýna fram á að náttúruleg losun, sem er 97% af heildarmagninu, ýti ekki undir hlýnun jarðar. Þannig að við höfum verið blekkt!“

„Þetta svindl kostar trilljónir dollara.“