Thjodolfur

frjals og fullvalda

Texas leyfir ekki Sharía-lög eða Sharía-borgir

Gústaf Skúlason

Ken Paxton, dómsmálaráðherra Texas, hefur hafið rannsókn á fasteignaverkefni sem tengist Íslamskri miðstöð „East Plano Islamic Center“ þekkt sem EPIC City, 402 hektara þróunarverkefni í Josephine, Texas, sem ætlað er að vera vígi múslima með mosku, íslömskum skólum og yfir 1.000 heimilum.

Paxton gaf út fyrirskipun um borgaralega rannsókn verktökum á á bak við verkefnið, til að kanna hugsanleg brot á lögum um neytendavernd í Texas, sjá opinbera yfirlýsingu frá skrifstofu hans á X hér að neðan:

Eftir að Greg Abbott fylkisstjóri fordæmdi verkefnið og sagði það „alvarlegt lagalegt vandamál“ vegna þess að „Sharía-lög eru ekki leyfð í Texas, ekki heldur tilvist Sharía-borga eða útsett borgarhverfi undir Sharía-lögum“ þá var ákveðið að rannsaka málið nánar.

EPIC City sem á að verða borgarmiðstöð Íslams er talið eiga að verða samfélag sem sem byggir á Sharía-lögum, sem Jeff Leach, fulltrúi repúblikana í Plano, kallar ógn við löggjöf Texas í bréfi til Paxton. Á að reisa mosku, trúarlegan K-12 skóla, húsnæði fyrir eldri, félagsmiðstöð og háskóla. Allt verður fjármagnað með sölu á $80.000 hlutum til kaupenda, að sögn Yasir Qadhi, fræðimanns við EPIC. Viðvörunarbjöllurnar hringdu þegar í ljós kom að EPIC er eini aðilinn sem hagnast á verkefninu sem vekur grunsemdir um gagnsæi verkefnisins

Rannsókn Paxton miðar að því að afhjúpa hvers kyns lagabrot gætu hafa verið framin og niðurstaðan gæti leitt til sekta, endurgreiðslu fjármagns eða jafnvel dómsúrskurðar til að stöðva verkefnið. Abbott og Paxton eru ekki einir um að vilja grípa í taumana. Notendur X hafa lýst yfir hneykslun sinni og vara við að lokamarkmiðið sé að skapa íslamskt samfélag, þar sem ekki er um aðlögun að ræða heldur sjálfstæða einingu með eigin lög.

Samskiptaráð Bandaríkjanna og Íslams gagnrýnir rannsóknina og segir að verið sé að djöflavæða múslíma, en Paxton og Abbott standa fastir á sínu og taka fullveldi Texas fram yfir það sem þeir telja vera dulbúna ógn.

Texas íhugar að verða fyrsta bandaríska ríkið sem opinberlega bannar Sharía-lög.

Uppgjörið í Texas endurspeglar baráttuna fyrir þjóðarímynd Bandaríkjanna, þar sem opin landamæri hafa opnað fyrir innflutningi á erlendri hugmyndafræði í nafni fjölbreytileikans. Texas ætlar ekki beygja sig fyrir neinum og halda á Sharía-hugmyndafræðinni á mottunni í eitt skipti fyrir öll.

Áhugaverðar fréttir

Fara efst á síðu