Swebbtv hefur rutt sér til rúms sem einn trúverðugasti fjölmiðillinn í Svíþjóð. Óháður, óbundinn miðill sem stöðugt fær fleiri áhorf og áskrifendur. Miðillinn er einn sá sterkasti sem gerir út á sannleikann með almenna skynsemi að leiðarljósi og berst gegn glóbalismanum og fyrir fullveldi Svíþjóðar. Þar sem femínska mæðraveldi sögueyjunnar er í fararbroddi fyrir yfirtöku glóbalista á auðlindum Íslands og eltir sænsk yfirvöld á röndum, þá er ágætt að landsmenn fái að kynnast afstöðu þeirra sem berjast gegn þessum svikamyllum í Svíþjóð.
Mikael Willgert er helsti þáttastjórnandi og drifkraftur Swebbtv en miðillinn hefur marga sérfróða menn og konur, hámenntað fólk, fagfólk á sínum sviðum og reynslubolta úr flestum sviðum samfélagsins. Swebbtv er með innhringingartíma, nokkra tíma daglega fyrir hádegi sem margir Svíar notfæra sér til að létta á hjartanu og ræða það sem efst er á baugi.
Swebbtv var með ráðstefnu í Uppsala 27. september og Þjóðólfur var á staðnum og hlustaði á ræður og umræður í kjölfarið. Hér að neðan er opnunarræða Mikael Willgert sem ræddi um fimm stærstu svindlamál nútímans:
„Við erum stödd á tímum mikilla umbreytinga. Alþjóðlegir fjármálahagsmunaaðilar, glóbalistarnir, hafa skaðað Evrópu áratugum saman. En núna hefur verið brugðist við. Það er Donald Trump ásamt ríkisstjórn sinni, sem hefur gengið gegn þeim fimm svikamyllum sem hafa verið búnar til til þess að eyðileggja og stjórna löndum okkar. Þetta eru sömu fimm svikamyllurnar sem við hjá Swebbtv höfum bent á og unnið að því að afhjúpa. Fimm svikamyllur sem haldið er gangandi af fjölmiðlum okkar, sviksamlegum stjórnmálamönnum okkar, ýmsum samtökum og ekki síst kristnum kirkjum í Svíþjóð.
Fyrsta svikamyllan eru fólksflutningarnir, að við verðum að taka á móti því erlenda fólki sem kemur hingað til að notfæra sér okkur og kallar sig hælisleitendur, ættingja eða vinnuaflsinnflytjendur. Stjórnmálamennirnir okkar sögðu upphaflega að við myndum njóta góðs af þeim, með innflytjendum rigndi hæfileikum þeirra yfir okkur. En núna þegar við sitjum uppi með 800.000 ólæsa einstaklinga í landi okkar, þá lýsa sömu stjórnmálamenn því yfir að það sé ómögulegt að losna við þá og að þeir verði að gerast ríkisborgarar, ef þeir eru ekki þegar orðnir það. Ríkisborgararéttur sem mun kosta landið okkar margar milljónir á mann í kostnað um fyrirsjáanlega framtíð og sundra landi okkar og breyta í ringulreið glæpahópa.
Önnur svikamyllan er loftslagið. Koltvísýringur er orðið að verkfæri sem svikahrapparnir nota til að stjórna lífi okkar og ræna peningum okkar. Stærsta iðnaðarblað Svíþjóðar, Dagens Industri, snýr sér að forystumönnum í viðskiptum og stjórnmálum. Aftur og í síbylju heldur blaðið því fram, að við verðum að hætta að nota jarðefnaeldsneyti. En heimurinn er knúinn áfram af jarðefnaeldsneyti. Olía, kol og jarðgas eru 86,5% af orkuframboði heimsins. Ef við gerðum eins og loftslagssvindlararnir segja og hættum að nota jarðefnaeldsneyti, myndu flestir íbúar jarðar deyja. Loftslagssvindlið er lífshættulegt hneyksli.
Þriðja svikamyllan snýst um kynin. Að karlar og konur séu eins. Svíþjóð er í dag stjórnað af mæðraveldi í meirihluta í öllum ríkisstofnunum sem leiðir flest yfirvöld og stendur að baki þessum fimm svikamyllum. Femínska stórveldið er orðið að glæpsamlegu klúðri og athlægi, þar sem frumbyggjar landsins eru jaðarsettir vegna tilrauna með fjölmenningu. Femínska stórveldið er algjört klúður sem leiðir til minnkandi landsframleiðslu á mann og dregur úr velferð.
Fjórða svikamyllan snýst um heilbrigðismál þar sem faraldrar og heilsufarsvandamál eru búin til til að ná stjórn á íbúunum svo lyfjafyrirtækin geti grætt himinháar upphæðir samtímis sem þau eru undanþegin ábyrgð á afleiðingum fjöldabólusetninga.
Fimmta svikamyllan snýst um Úkraínu og að við eigum að hagnast á því að senda mikið magn af vopnum og peningum þangað. Hingað til hefur það verið um 100 milljarðar sænskra króna, þ.e. 10.000 sek. á hvern íbúa í Svíþjóð. Þeir segja að þetta sé gert til að tryggja öryggi okkar. En með því að senda vopnin okkar, þá dregur það úr öryggi okkar og skapar þá áhættu að við verðum fljótlega dregin inn í stórstyrjöld. Hvað hefur það þýtt fyrir Úkraínu? Enginn veit og enginn svarar spurningum um hvert peningarnir og vopnin hafa farið.
En það sem er að gerast núna er að Donald Trump og ríkisstjórn hans afhjúpa svindlið og fara gegn svikamyllunum og Evrópu. Það er bara Úkraínusvindlið sem honum hefur ekki tekist að ná tökum á. Í staðinn kýs hann að leggja málið í kjöltu heimskulegra evrópskra leiðtoga okkar sem taka yfir stríðið á meðan Bandaríkin draga sig til baka. Trump gat ekki stöðvað það. Núna er Úkraínustríðið vandi Evrópu.
Alþjóðlegir fjármálahagsmunaaðilar, einnig þekktir sem glóbalistarnir, hafa knúið áfram fólksflutninga og blekkt okkur til að spila með í gegnum lygar fjölmiðla og ýmissa stofnana og samtaka: Sameinuðu þjóðirnar, Open Society, Refugees Welcome, o.s.frv. Núna á einn af leiðtogunum, George Soros, hættu á að verða dreginn fyrir dómstól. Það yrði frábært.
Trump rústar Parísarsamkomulaginu, kynin eru einungis tvö, Bandaríkin draga sig út úr Úkraínu, heimsfaraldri og Covid-sprautum er andmælt. Donald Trump minntist á svikamyllurnar í ræðu sinni hjá Sameinuðu þjóðunum. Bandaríkin eru á réttri leið en við höfum myllustein bundinn um hálsinn: ESB. Hvorki ESB, þingflokkar okkar né fjölmiðlar andmæla svikunum.
Í dag höfum við vaxandi gjá milli Bandaríkjanna og ESB. Bandaríkin auka framleiðni sína og hagkerfi á meðan Evrópa glímir við fjöldaflutninga og loftslagsmál.
Við erum að gera okkur að óvinum Rússlands, Kína og annarra heimshluta. Hvernig lítur stefna Svíþjóðar út til að endurskapa velmegun okkar? Svíþjóð, þar verkfræðingar, hæfir kaupsýslumönnum og hæfir stjórnmálamenn hafa lagt grundvöll að velmegun landsins verða núna fyrir barðinu á alþjóðlegum áhrifum.
Hatur stjórnmálamanna okkar og fjölmiðla á Trump snýst um að þeir vilja halda áfram að reka svikamyllurnar. Þess vegna óttast bæði stjórnmálamenn og fjölmiðlar Swebbtv, þeir vita að þeir eiga hættu á að við afhjúpum þá.
Á meðan allt þetta er í gangi siglir gervigreindin upp sem örlagavaldur sem breytir lífi okkar. Þessi þróun verður ekki stöðvuð jafnvel þótt við reyndum. Þess vegna þurfum við að finna út, hvernig við getum notið góðs af tækninni. Hér hjá Swebbtv textum við og þýðum alla þætti okkar nú orðið. Við sköpum gervigreindarvirkni sem auðveldar leiðir til að finna upplýsingar okkar. Þú munt geta spurt spurninga um það sem hefur verið sagt í þáttunum okkar og fengið góð svör.
Við lesum inn bækur og gefum út sem hljóðbækur fyrir meðlimi okkar. Fyrsta bókin er „Orðið er frjálst” eftir Karl Olov Arnstberg en þær verða fleiri. Við notum gervigreind til að búa til myndir og auglýsingar.
Gervigreindin er tækifæri en samtímis ógn sem við munum ræða á þessari ráðstefnu. Áður en langt um líður munum við hafa ýmis konar vélmenni og eftirlíkingu mannsins sem verða til staðar í samfélagi okkar í hundruðum þúsunda. Hvaða tækifæri og hættur felast í þessu og hvernig mun það hafa áhrif á efnahagslífið og vinnumarkaðinn? Hvaða lög eru nauðsynleg til að vernda okkur?
Hvernig mun breytt staða heimsveldanna og getuleysi til að stöðva flóttamannastrauminn hafa áhrif á öryggi okkar? Hvernig kemst Íslam inn í samfélag okkar og hvernig eru stjórnmálamenn okkar að sameinast glæpamönnum og glæpahópum? Á þessari ráðstefnu munum við einnig líta út í Evrópu og fá mynd af því sem er að gerast í Englandi og Þýskalandi. Við munum einnig hitta ungan hæfileikamann sem hefur fengið góða umfjöllun á YouTube með myndskeiðum sínum.
Þessi ráðstefna er ein af fremstu hugveitum Svíþjóðar. Þakka ykkur fyrir að vera hér og leggja ykkar af mörkum. Ég hlakka til gefandi dags.”