Mörgum finnst nóg komið og það fyrir löngu, að íslensk stjórnvöld þurfi að gera öll helstu mistök Svía að sínum. Eitt dæmi er hömlulaus fólksinnflutningur með tilheyrandi fjölgun ofbeldisverka. Með undraverðum hraða hefur Ísland náð Svíþjóð með 20% íbúa af erlendum uppruna. Merkin sjást skýrt: vaxandi glæpamennska og glæpahringamyndun, fíkniefnaneysla og smygl að ógleymdum ofbeldisglæpum með tilheyrandi kostnaði fyrir skattgreiðendur. Núna vill Svíþjóð fara íslensku leiðina í loftslagsmálum og byggja risaryksugur sem soga koltvísýring úr andrúmsloftinu og breyta í stein.
Sænski kjarneðlisfræðingurinn Jan Blomberg skrifar mikið um orkumál í Svíþjóð í sænska Epoch Times. Nýlega birtist grein eftir hann undir fyrirsögninni:
„Blágular galdrasameindir eiga að bjarga loftslaginu.“
Hann hvetur valdhafa til að fleygja hugmyndinni í ruslakörfuna, hún sé „vanhugsað kjaftæði.“ Sú pilla á bæði rétt á sér, er nauðsynleg og beinist jafnt að íslenskum valdhöfum sem sænskum. En loftslagstrúboðarnir með fjármálavöld í nafni fólksins eru heilaþvegnir og heilbrigð skynsemi kemst ekki að. Kerfiskarlar og kerlingar glóbalismans stjórna.
Blomgren er lítið hrifinn af „vanhugsuðu kjaftæði“ og „óvitsmunalegri hugsun“ sem einkennir umræðu um orkustefnu og ákvarðanatöku í Svíþjóð. Hann telur að lágmarks eðlisfræðiþekking á menntaskólastigi dugi til að hrekja flest það sem opinberlega er lýst sem „grænu leiðinni“ sem myndar grunninn að allri orkuöflun Svíþjóðar með skelfilegum árangri.
Ekkert ríki hefur „eigið“ andrúmsloft
Sænska orkustofnunin „Energimyndigheten“ hefur nýlega tilkynnt, að hún ætli að verja hvorki meira né minna en 36 milljörðum af fé skattgreiðenda koltvísýringryksugur. Það samsvarar tæplega hálfri billjón íslenskra króna. Að sögn Blomgren verða peningarnir brenndir á báli rétttrúnaðarins. Að auki er sú hugsunarvilla með í farangrinum, að Svíþjóð sé með „eigið“ andrúmsloft í stað andrúmsloftsins sem deilt er með öðrum jarðarbúum.
Blomgren segir að á meðan umheimurinn haldi áfram að senda mikið magn af koltvísýringi út í andrúmsloftið, þá verði loftslagsávinningur Svía lítill sem enginn. Meiri þörf sé að nota peningana til að stoppa í eitthvað af fjölmörgum götum í fjárlögum Svíþjóðar.
Blomgren segir að öll plánetan verði að vera með á nótunum sem er langt frá því ástandi sem ríkir í dag. Indland og Kína auka losun sína á koltvísýringi langt umfram heildarlosun Svíþjóðar. Blomgren fullyrðir:
„Það má því líta á allar loftslagsfjárfestingar án þátttöku Kína og Indlands sem léttvægar.“
„Heimskulegustu viðskipti allra tíma“
Blomgren segir að allar koltvísýringssameindir séu eins, hvort sem þær koma frá þýskri kolaorku, dísilbílum í Kenýa, viðarbrennslu í sænskum flísaofnum eða útöndun og veðrun frá kúm á Nýja Sjálandi. Öll þessi losun hefur nákvæmlega sama áhrif á andrúmsloftið. Að einblína á CO2 sameindir af sérstökum líffræðilegum uppruna er „hreint bull.“
Að fjárfesta 36 milljarða af fé skattgreiðenda í að soga koltvísýring úr andrúmsloftinu, telur Blomgren vera „heimskulegustu viðskipti allra tíma“ jafnvel þótt ekki vanti samkeppni í baráttunni fyrir tilgangslausum loftslagsfjárfestingunum. Hann bendir á, að það sé tvö þúsund sinnum skilvirkara að ná koltvísýringi beint úr kolaorkuveri en andrúmsloftinu.
Maður þarf ekki að vera kjarnorkueðlisfræðingur til að skilja þetta. Blomgren segir að hætta eigi þegar í stað fjárfestingu í koltvísýrings ryksugum:
„Svíar ættu að einbeita sér að alþjóðlegu samstarfi til að örva lokun á kolaorku í þágu kjarnorku.“
Loftslagsstefna Þýskalands víti til varnaðar
Versta hryllingsdæmið er kannski Þýskaland, þar sem Græningjum tókst að fá snarvitlausa og vanhugsaða orkustefnu í gegn og láta loka kjarnorkuverum. Bæta átti upp orkuskortinn með vindmyllum og sólarrafhlöðum og fylla upp á með ódýru rússnesku gasi. Eftir lokun kjarnorkuvera og hryðjuverkaárásina á NordStream gasleiðsluna hafa Þjóðverjar þess í stað neyðst il að endurræsa gömul kolaorkuver sín.
Pólland er dæmi um annað land sem reiðir sig á kolaorku. Blomgren bendir á að hægt væri að nota peningana til að stækka kjarnorkuframleitt rafmagn sem minnkaði koltvísýringinn langtum meira í stað þess að eyða öllu skattfénu í innlenda vitleysu. Jan Blomgren skrifar að lokum:
„Hættið að eyða sköttum af striti okkar í kjánalega og óvísindalega óskadrauma.“
Á Íslandi eru valdhafar í fremsta sæti heimskunnar og halda að þeir geti „bjargað“ jörðinni með risaryksugum í andrúmsloftinu. Aukið er á fjárfestingar og loftslagsáróðri básúnað um allar jarðir. Ríkisstofnunum er breytt í útungunarmiðstöðvar fyrir geðveikisstefnu glóbalista. Afleiðingin af risaryksugum sem soga koltvísýring úr andrúmsloftinu gæti orðið skelfileg. Koltvísýringur er undirstaða lífsins á jörðinni og er kominn hættulega nálægt lágmarki. Ef gróðurinn deyr, deyr mannfólkið með. Gróðurinn eru lungu jarðarinnar og framleiða það súrefni sem við öndum að okkur í andrúmsloftinu.
