Munu þessir rússnesku skriðdrekar verða notaðir í innrás Rússa á Svíþjóð? (Mynd Wikipedia Vyacheslav Argenberg CC – 4.0).
ESB leiðtogarnir eru komnir í stríðshaminn. Hver stríðskreppufundurinn á fætur öðrum. Þeir hafa ekki haft önnur eins tækifæri í lengri tíma til að sýna samtakamáttinn og hversu miklu máli þeir skipta til að „bjarga heiminum.“ Stríðið kemur eins og sending af himni ofan, þegar græna lygin er orðin gegnsæ. Núna tala allir um stríð. Allir vilja vera með. Meira að segja Svíþjóðardemókratar segja að Evrópusambandið sé svo mikilvægt núna til að sameinast gegn hinum hræðilega Pútín. Og nýja samherjanum Trump.
Úrsúla von der Leyen opnar peningagáttir himins fyrir vopnakaupum og hervæðingu allra stétta, hárra sem lágra. Stríð er svo spennandi viðskipti, það er hægt að krækja sér í pening þó ekki sé nema að taka þátt í halelújakórnum eins og valkyrjuráðfrúrnar gera á Íslandi. Það dugir að segja eins og fjölmiðlakonan Íris El skrifaði svo réttilega: Zelenský er góður, Pútín er vondur. Og svo náttúrulega Trump sem er farinn að toppa Pútín. Ef ESB hefði ekki stríðið til að hræða fólkið með gæti þá hugsanlega verið farið að tala meira um ritskoðun? Efnahagslegar afturfarir? Verðbólguna? Grænu lygina? Vonlausar vindmyllur? Botnlausa spillingu frampotara á ríkisspenanum? Stríðið er svo stórkostlegt að hægt er að fela allt annað í skugganum.
Í nýrri skýrslu er varað við árás Rússa á Gotland. Eftir að Donald Trump beitti sér fyrir friðarviðræðum við Rússa nær Ekki Villta Vestrið andanum. Í skýrslu frá Konunglegu sænsku hervísindaakademíunni er því haldið fram að Rússar gætu ráðist á Eystrasaltslönd og Gotland ef Bandaríkin draga úr hernaðarþátttöku sinni í Evrópu. Rússneskur sigur í Úkraínu myndi styrkja stríðsgetu Moskvu og skapa „hættulegt tímabil“ og eru næstu fimm árin eru talin sérstaklega áhættusöm.
Karlis Neretnieks, hershöfðingi, segir sænska Gotland í miðju Eystrarsalti vera miðpunkt sitmagnaðra stríðsátaka, segir í frétt Göteborgs-Posten (GP).
Svíþjóð verður næsta skotmark á eftir Úkraínu – Gotland hið augljósa val
Í skýrslunni er gerð grein fyrir mögulegri árás þar sem rússneskir hermenn gera skjótt árás með eldflaugaárásum, skemmdarverkum og flugskeytum. Kjarnorkuvopn eru skyndilega orðin „nauðsynleg.“
Neretnieks segir:
„Frönsk og bresk kjarnorkuvopn hefðu verið helsta fælingin.“
Roger Richtoff á myndinni til hægri er fyrrum meðlimur í varnarmálanefnd sænska þingsins fyrir Svíþjóðardemókrata. Hann er algjörlega ósammála og segir við FrihetsNytt:
„Áður var talið eðlilegt að Svíþjóð ætti ekki að hafa kjarnorkuvopn. Núna er rætt um að fá frönsk kjarnorkuvopn á sænska grund. Hvaða mun það gera? Rússarnir hafa engan áhuga á því að ráðast á okkur.“
Í skýrslunni er lagt til að Svíþjóð tvöfaldi herinn á Gotlandi, stækki sjóherinn og styrki loftvarnir. Spurningin er hver hagnast á því að halda ógninni lifandi?
Trump dregur gagnrýnislausan stuðning við Úkraínu í efa. Leiðtogar Evrópuríkja kalla eftir auknu fé til varnarmála – og hræðsluáróðurinn er notaður til að réttlæta það. Richthoff telur að málið snúist meira um að stjórna frásögninni en að finna áþreifanlegar öryggislausnir:
„Þeir eru að efla kvíðahugsun til að auka hernaðarfjárfestingar. Þeir eru ekki að einbeita sér að raunverulegum lausnum, heldur að senda fleiri vopn.“
Stríðsorðræðan verður sífellt örvæntingarfyllri því meira sem almenningsálitið sveiflast. Fleiri efast um þær gífurlegu upphæðir sem varið er í nútíma hervæðingu. Byggist hún á raunhæfri öryggisgreiningu – eða er þetta ekki bara næsti kaflinn í stríðinu endalausa?