Kapphlaup er í þróun gervigreindar í heiminum. Ýmsir telja að sá sem vinni það kapphlaup verið allsráðandi í heiminum. Geðveikisyfirlýsingar World Economic Forum um samruna manns og vélar setur hroll í marga. En ekki lítur betur út en að þeim sé alvara og skynji ekki andúð jarðarbúa á brjálæðishugmyndum sínum sem eru meira í ætt við handrit að meðalgóðri James Bond mynd en römmustu alvöru.
Verið er að byggja nýja tækni í heiminum sem einungis er gerð í því skyni að safna upplýsingum um einstaklinginn, alla einstaklinga. Þessari þróun er fjálglega lýst sem tæki til að vernda okkur fyrir loftslagsbreytingum og byggja sjálfbær samfélög. Markmiðinu er lýst í glansandi pakka sem á að „bjarga heiminum.“
Ef grannt er hlustað, þá glittir í raunverulega dagskrá þessarar þróunar: Að safna saman gríðarlegum upplýsingum frá eins mörgum einstaklingum og hægt er. Þá er mikilvægt að þeir séu innan veggja kerfisins, þar sem auðvelt verður að hafa eftirlit og fullkomna stjórn. Þar af hugmyndin um „snjallborgir“ sem Dagur B. Eggertsson, forfallinn talsmaður alræðis fáveldisins, hyllir og boðar í Reykjavík og hefur sett borgina á hausinn við að innleiða. Ímynduð snjallborg í heilanum leiðir til fáránlegra áætlana um borgarlínu, því fólk á að hjóla og taka strætó í stað þess að eiga bíla sjálft.
Fremsti hugmyndafræðingur World Economic Forum, Yuval Noah Harari, segir heillaður af hugmyndinni:
„Við höfum náð þeim áfanga að hægt er að hakka – ekki bara tölvur – heldur einnig fólk og aðra lífrænar verur. Fólk er orðið að dýrum sem hægt er að brjótast inn í. Sú hugmynd að manneskjan hafi sál eða anda og hafi frjálsan vilja, að enginn viti hvað gerist innra með manni, að maður velji af frjálsum vilja t.d. í matvörubúðinni, tilheyrir fortíðinni.“
Gervigreindin tekur yfir „alræðisstjórn“ í heiminum
Samkvæmt Harari á manneskjan ekki lengur að hlýða sinni innri rödd, hjarta sínu, lengur. Ekki treysta á eigin skynfæri eða reynslu. Gervigreindin á að velja þann sem maður á að giftast og hvaða flokk maður á að kjósa. Það þýðir að við leggjum líf okkar í hendur sálar- og hjartalausrar gervigreindar. Harari greinir æstur frá því að eftir þúsundir ára, þar sem maðurinn hefur ráðið á jörðinni mun tölvan taka yfir og stjórna öllu lífi á jörðinni, – innifalið líf mannsins. Hann segir:
„Flestir einstaklingar verða einskis virði efnahagslega, með engin pólitísk völd. Við sjáum þegar í dag sköpun nýrrar stéttar af fólki sem er einskis virði.„
Þetta hljómar eins og rödd djöfulsins. Við höfum enga sál og eigum að lifa í myrkri.
Smelltu á spilarann hér að neðan til að fá upplýsingar um djöfulleg markmið vitskertra einstaklinga sem halda að þeir geti tekið yfir allt líf á jörðinni með aðstoð gervigreindarinnar.
