Lars Bern segir hagsmuni Norðurlanda hafa verið ýtt út í skurð vegna rússahaturs. (Skjáskot Swebbtv).
Stjórnmálamenn í Svíþjóð, Skandinavíu og Eystrasaltslöndunum hafa bókstaflega „gengið af göflunum“ varðandi stríðið gegn Rússlandi. Það segir áhrifavaldurinn Lars Bern í nýjum viðræðuþætti á Swebbtv. Að sögn Bern snýst málið ekki um að verja Svíþjóð eða Norðurlönd. Stjórnmálamennirnir „ganga erindi Bandaríkjanna.“ Það sama má segja um Ísland, rússahatur núverandi ríkisstjórnar hefur fótum troðið friðarímynd Íslands eftir fund Gorbatjov og Regans í Reykjavík.
Stríðsstefnan gegn Rússlandi heldur áfram. Til dæmis ætlar Svíþjóð að leiða nýja herstöð Nató í norðurhluta Finnlands sem beint er gegn Rússlandi. Bæði Svíþjóð og Finnland taka undir stríðskallið: „Úkraína á að ráðast á rússneskt landsvæði.“ Lars Bern segir, að Norðurlöndin ásamt Eystrasaltslöndunum séu stríðsóð gegn Rússlandi. Hann spyr:
„Við erum mjög herská og teljum, að það sé frábært að hefja eldflaugaárásir á Rússland. Hvers vegna? Eru þetta fólk ekki með öllum mjalla? Þetta er svo glórulaust að ég verð að klípa mig í hendina. Hvað eru stjórnmálamennirnir okkar að hugsa? Hver er hagur Svíþjóðar í þessu?“
Gegndarlaust Rússahatur
„Stjórnmálamennirnir okkar eru gjörsamlega gengnir af göflunum. Þeir eru svo smitaðir af Rússahatri að maður verður að ganga með veggjum.“
Borið saman við þau friðsömu samskipti sem ríktu áður á milli Svíþjóðar og Rússlands, þá eru umskiptin algjör og ótrúleg. Svo hvað er eiginlega í gangi? Lars Bern segir:
„Þetta snýst ekki um að verja Svíþjóð eða Finnland. Við vorum í mjög friðsamlegu sambandi við Rússland áður. Af hálfu Bandaríkjanna snýst málið um að byggja hervegi til að geta gert innrás í Rússland. Það mun hvorki skapa tryggara líf eða auka öryggi í Svíþjóð. Þvert á móti.“
Halda að þeir geti sigrað Rússa
Samkvæmt Bern hafa stjórnmálamennirnir okkar farið algjörlega út af sporinu:
„Svíþjóð, Finnland, Noregur, Danmörk, Eistland, Lettland, Litháen – stjórnmálamennirnir eru gjörsamlega gengnir af göflunum í þessum löndum. Í þessum löndum vilja stjórnmálamennirnir fara í stríð við Rússland og standa í þeirri trú að þeir geti sigrað Rússana.“
