Steve Bannon sneri aftur til „stríðsherbergisins“ í dag eftir að hann var látinn laus úr fangelsi. Hann er fullur orku og staðráðinn að standa í stjórnmálabaráttunni áfram. Hann sagði eftir að hann var látinn laus: „Þeir sendu mig í pólitískt fangelsi. Nancy Pelosi taktu fram penna og skrifaðu þetta niður: „Við höfum aldrei verið sterkari!“
Steve Bannon byrjaði á því að þakka starfsmönnum sínum fyrir að hafa haldið úti fréttamennskunni og stjórnmálaumræðunni vakandi á meðan hann var fangelsaður. Hann sagði:
„Núna er röðin komin að mér, ekki satt? Það er komið að mér að vera næsti maður inn, þar sem þið hafið unnið svo stórkostlegt starf undanfarna fjóra mánuði.“
„Nancy Pelosi sendi mig í alríkisfangelsið. Hún sendi mig í alríkisfangelsið sem pólitískan fanga til að ná tveimur markmiðum: til að geta örugglega lamað þennan þátt ekki satt? Lamað þáttinn og líka brotið mig niður. Nancy Pelosi, hentu þessum markmiðum og skrifaðu eftirfarandi niður: Þátturinn hefur aldrei verið öflugri. Áhorfendur þáttarins hafa aldrei verið öflugri. Og við munum veita stigvaxandi geðveiki þinni náðarhöggið þann fimmta nóvember og eftir það verða málin ákveðin.“
Bannon sagði að Kamala Harris gæti aldrei haldið jafn magnaða samkomu og Donald Trump í Madison Square Garden og hann veittist að umræðustíl demókrata að uppnefna meiri hluta Bandaríkjamanna sem fasista. Hann benti á að demókratar gætu ekki haldið fund þar sem þverskurður frumkvöðla kæmi jafn skýrt í ljós:
„…Ég hef aldrei áður heyrt það og ég held að flestir séu sammála mér, að kalla ekki bara Donald Trump og fólkið í kringum hann fasista, heldur að kalla ykkur fasista. Að rægja þessa frábæru og mögnuðu samkomu í Madison Square Garden sem Kamala Harris eða demókratar gætu engan veginn haldið. Með allri þeirri orku og fólki frá Tulsi Gabbard til Elon Musk, þennan breiða þverskurð af bandarískum frumkvöðlum sem mættu á staðinn, Vivek Ramiswami og fleiri öflugir einstaklingar.“
Hér að neðan má sjá viðtöl og einnig blaðamannafundinn sem Steve Bannon hélt eftir að hann var látinn laus úr alríkisfangelsinu:
