Tíu milljón breskir lífeyrisþegar voru í dag sviptir vetrarbótum til hitunar hýbýla. Sama dag var 1.700 föngum sleppt úr fangelsum; harðsvíruðum glæpamönnum. Þessar „skammarlegu; shameful”, ákvarðanir hafa verið samþykktar af þingmeirihluta Verkamannaflokksins. „Starmergeddon! Hver kaus þetta yfir okkur?“ spyr Daily Mail. Að kvöldi kosninga faðmaði Kristín Frostadóttir Keir Starmer fyrir að veita sér innblástur. Kristrún mælti ekki orð á Alþingi þegar til umræðu voru opin landamæri. Starmer og Kristrún elta Davos.
Lífeyrisþegar hýrudregnir
Það mælist afar illa fyrir á Englandi að hýrudraga lífeyrisþega. Guardian segir að Starmer sé hvattur til að styðja hina fátæku nú þegar vetrarbætur hafa verið lækkaðar; PM faces Calls to Aid Poorest as Winter Fuel Cut Approved, segir Guardian á forsíðu. Daily Express birtir mynd af lífeyrisþegum á forsíðu sem strengja heit: United We Stand in Winter Fuel Fight; Hefur fólk tekið eftir því hve stjórnmálamenn eru jafnan reiðubúnir að ráðast á hina fátæku og viðkvæmu. Munið þið Jóhönnu og Steingrím … leyndarskjölin þeirra? Katrínu og Bjarna Ben og lífeyri öryrkja og eldri borgara… Þau hafa hins vegar nóga peninga í opin landamæri og til kaupa á vopnum á fjarlægum slóðum.
Glæpamenn lausir, alþýðufólk hundelt
Birtar voru myndir af glæpamanni fagna í kampavíni og annar stígandi í Lamborgini sem hann virðist eiga. Er furðu þó þeir lofi að kjósa Verkó; Labour fyrir lífstíð. „Hver greiddi atkvæði um að ræna lífeyrisþega aðeins 68 dögum eftir kosningar,” er spurt á forsíðu Daily Mail. Keir Starmer hundeltir, lögregla handtekur, saksóknarar ákæra, dómstólar dæma alþýðufólk til fangelsisvistar fyrir að láta í ljósi reiði á samfélagsmiðlum vegna opinna landamæra. Sextugur maður fangelsaður í 16 mánuði fyrir að leggja nafn Allah við hégóma, fimm barna móðir 26 mánuði fyrir að kasta gosdós í lögreglu. Rýma þarf fangelsin, sleppa morðingjum og nauðgurum fyrir alþýðufólk sem mótmælir fjöl[ó]menningu og eyðileggingu Gamla Góða Englands; Good Old England.
