Spánn hefur gengið í lið með öfgafullum aðilum eins og í Kaliforníu sem refsa foreldrum sem andmæla kynbreytinga meðferðum á börnum sínum. Þann 25. júní 2025 var umdeild breyting á spænsku hegningarlögunum kynnt til sögunnar, þegar foreldrar, læknar, sálfræðingar eða kennarar sem andmæla svo kölluðum „jákvæðum kynbreytinga meðferðum“ fyrir börn eiga yfir höfði sér allt að tveggja ára fangelsi.
Breytingin frá 2025 eykur við „Translögin“ á Spáni frá 2023, sem stefndu að „raunverulegu og skilvirku jafnrétti fyrir transfólk.“ Eldri lög heimiluðu þeim sem eru 16 ára og eldri að breyta lögkyni sínu án læknisfræðilegs eftirlits eða samþykkis foreldra. Þeir sem voru á aldrinum 14–16 ára þurftu samþykki foreldra, en þeir sem voru 12–14 ára þurftu samþykki dómstóla.
Lögin banna einnig terapíska meðferð sem kemur í veg fyrir að foreldrar geta leitað annarra sálfræðilegra meðferða við kynbundinni vanlíðan.
Lög í Kaliforníu, AB 957 (2023), krefjast þess að dómstólar taki tillit til stuðnings foreldra við kynvitund barns í forsjárdeilum, sem oft sundra fjölskyldum. Hins vegar setur breytingartillaga Spánar harðari refsingar með því að hóta þeim fangelsi sem setja velferð barna sinna ofar blindri hlýðni við trans hugmyndafræðina.
Gagnrýnendur vara við því að lögin grafi undan stöðu foreldra en efli stöðu óttastjórnunar og peningasjónarmiða innan læknisfræðinnar. Læknar og sálfræðingar eiga yfir höfði sér fangelsisrefsingu fyrir að hvetja til varúðar vegna óafturkræfra aðgerða á ólögráða börnum. Slíkt dregur úr læknisfræðilegri fagmennsku.
Spænska þingið samþykkti þessa tillögu með miklum meirihluta, 311 atkvæðum en 33 voru á móti. Fullveldisflokkurinn Vox var eina andstaðan á þingi ásamt einu atkvæði frá Navarra-lýðveldissambandinu UPN.
Mið-hægri flokkurinn, Þjóðarflokkurinn PP, braut loforð sitt um að andmæla róttækum kynlögum og studdi í staðinn frumvarpið. Íhaldssamir kjósendur og femínskir hópar fordæma svikin og segja lögin vera hættulega útgönguleið.
Ólíkt Bretlandi og Svíþjóð sem hafa takmarkað kynskiptaaðgerðir á ólögráða börnum vegna takmarkaðra gagna um langtímaöryggi og virkni, þá velur Spánn að fara aðra leið.
Ríkisstjórn landsins undir forystu sósíalista sem öfgavinstrið og aðskilnaðarsinnar styðja, hefur lagt tvöfaldan kraft í að móta stefnu sem margir kjósendur telja forgangsraða hugmyndafræðilegum stefnumálum framar vísindum.
Spænsku lögin setja því hættulegt fordæmi þar sem ríkið sviptir foreldra þeim grundvallarréttindum að ala upp eigin börn.
Fagaðilar innan læknisfræðinnar eins og spænska sálfræðiráðið hafa varað við þeim skaða sem getur orðið af hraðri umbreytingu á viðkvæmum börnum. Gegn þessum ofsóknum stjórnvalda þurfa íhaldsmenn á Spáni að byggja sterkar varnir til verndar fjölskyldinni og vinna bug á þessari róttæku skaðlegu stefnu.