Það tók bara sjö ár fyrir bíl ársins að enda á ruslahaugunum. Hér má sjá sorglegar leifar hins misheppnaða rafbíls: Jaguar I-Pace.
Jaguar setti I-Pace á markað árið 2019. Fyrstu viðbrögð voru yfirþyrmandi. Bílnum var tekið opnum örmum bæði af kaupendum og fjölmiðlum. Hann var skrefi á undan sinni samtíð. Rafbíll í úrvalsflokki með djarfa hönnun sem vísaði til sögu fyrirtækisins. Þetta var rétt fyrir heimsfaraldurinn. Efnahagslífið kraumaði af sjálfstrausti og margir trúðu ekki að verri tímar gætu komið.
Bíll ársins
I-Pace vann verðlaunin „Bíll ársins“ í Evrópu og hlaut lof um allan heim. En það leið ekki á löngu þangað til að kvartanir byrjuðu að streyma inn. Margir höfðu samband og sögðust vera í vandræðum með rafhleðsluna. Skömmu eftir afhendingu var erfitt að hlaða rafmagn á bílinn og margir eigendur urðu pirraðir. Fregnir bárust einnig af því að eldur hafði skyndilega kviknað í mörgum bílum. Jaguar var undir miklu álagi. Þeir höfðu framleitt fyrirmyndarbílinn en núna voru fyrirsagnir fjölmiðlanna kolsvartar.
Good old JLR. Only company that could build an eV that isn’t reliable (or any more so than the fossil crap they make) or that they can recall and fix.
— eVNewt⚡️🔋🚙 (@newt7215) January 28, 2025
Instead these Jaguar iPace at my local car scrap yard, Charles Trent-recalled, refunded and now to be recycled. 🙄
Are the… pic.twitter.com/YdSPiJUJgg
Jaguar fann gallann. Rafgeymarnir frá LG hættu til að ofhitna og voru eldfimir. En það tókst ekki að leysa vandamálið. Fyrirtækið neyddist til að kaupa til baka tæplega 2.800 bíla alls staðar að úr heiminum. Myndin af bílakirkjugarðinum er dæmi um þetta misheppnaða rafbílaverkefni. Bílakirkjugarðurinn er í Bretlandi og Jaguarnir bíða í röð eftir því að verða eytt.
Carup.se sagði í vikunni frá Norðmanninum Cato Brynn. Hann keypti I-Pace sama ár og bíllinn kom á bílamarkaðinn í Noregi. Eftir aðeins 35.000 km var ekki lengur hægt að hlaða bílinn. Cato Brynn sneri sér þá til söluaðilans Motorpool, sem gat ekki tekið á móti honum. Þess í stað þurfti hann að fara á viðgerðarverkstæði sem sagðist geta lagað vandann fyrir þrjár og kvartsmilljón íslenskar krónur.
Jaguar kynnti nýja 00-gerð sína á síðasta ári. Fyrirtækið vonast til að leggja fíaskóið með I-Pace að baki sér og taka skref inn í framtíðina….
