Snaran dregst um marxíska fjármálajöfurinn George Soros eftir að Antifa var skilgreint sem hryðjuverkasamtök í Bandaríkjunum. Ný skýrsla frá Capital Research Center, CRC, fullyrðir að samtök Soros, Open Society Foundations, OSF, hafi veitt yfir 80 milljónir Bandaríkjadala til hópa sem tengjast ofbeldisverkum í Bandaríkjunum.
CRC skrifar að frá árinu 2016 hafi peningarnir streymt frá Soros til bandarískra samtaka eins og Center for Third World Organizing, Dream Defenders, Movement for Black Lives og Sunrise Movement.
Samkvæmt skýrslunni hylla sum samtakanna hryðjuverkaárásir Hamas, kalla eftir skattsvikum og hvetja til skemmdarverka gegn lögreglu og innviðum.
Í Atlanta hafa aðgerðasinnar í „Stop Cop City“ fengið á sig að minnsta kosti 40 ákærur fyrir hryðjuverk innanlands og um 60 ákærur samkvæmt svokölluðum RICO-lögum gegn skipulagðri glæpastarfsemi. CRC skrifar í fréttatilkynningu að:
„Open Society hafa sent milljónir dollara til bandarískra samtaka sem stunda „beinar aðgerðir“ sem FBI skilgreinir sem innlenda hryðjuverkastarfsemi.“
CRC heldur því einnig fram að samtök Soros hafi fjármagnað erlenda aðila, þar á meðal mannréttindasamtökin Al-Haq á Vesturbakkanum, með meira en 2,3 milljónum dollara á árunum 2016 til 2023. Bandaríska utanríkisráðuneytið setti Al-Haq á bannlista í september 2025.
Á sama tíma eykst pólitískur þrýstingur á Soros og menningar-marxíska netið hans. Nokkrir repúblikanar á þingi vilja fá sérstaka nefnd til að skoða fjármögnun ofbeldisfullra vinstri manna. Donald Trump forseti leggur til að George Soros og sonur hans, Alexander, verði ákærðir fyrir skipulagða glæpastarfsemi. Trump skrifaði á Truth Social í lok ágúst:
„George Soros og hinn ótrúlega öfgavinstri sonur hans ættu að vera ákærðir af RICO fyrir stuðning sinn við ofbeldisfull mótmæli og margt annað um öll Bandaríkin.“
Hann hélt áfram:
„Við munum ekki lengur leyfa þessum brjálæðingum að rústa Bandaríkjunum … Soros og geðsjúklingahópur hans hafa valdið landi okkar miklu tjóni! Þar á meðal eru klikkuðu vinir hans á vesturströndinni. Passið ykkur, við fylgjumst með ykkur!“