Ríkisstjórn Slóvakíu undirbýr bann við mRNA bóluefnum eftir rannsóknarskýrslu um heimsfaraldurinn sem leiddi til þess að heilbrigðisráðherrann sagði af sér. The Canadian Independent greinir frá.
Peter Kotlár, þingmaður Slóvakíu, var tilnefndur af ríkisstjórn Slóvakíu til að hafa umsjón með rannsókn á heimsfaraldrinum og niðurstaðan birtist í október í ár. Ríkisstjórnin ákvað að láta taka saman skýrslu um ástandið vegna vaxandi þrýstings frá almenningi um meðhöndlun yfirvalda vegna Covid-19 og svo ekki síst varðandi aukaverkanir mRNA bóluefna.
Robert Fico forsætisráðherra vildi bregðast við þessum áhyggjum, þar sem 21 þúsund dauðsföll urðu eftir 2020 sem forsætisráðherrann rekur til bóluefnanna. Rannsakendum var ætlað að kanna notkun bóluefna, meta öryggi þeirra og endurskoða hvort Slóvakía eigi að fylgja alþjóðlegum heilbrigðisviðmiðunarreglum Alþjóðaheilbrigðismálastofnunarinnar,WHO.
Niðurstaða skýrslunnar sagði heimsfaraldurinn vera „lífræn hryðjuverk.“ Skýrsluhöfundar lögðu til að mRNA bólusetningar yrðu þegar í stað stöðvaðar, bóluefnin gætu breytt erfðamengi mannkyns. Lagt var til að Slóvakía hafnaði heilbrigðisleiðbeiningum WHO og slíti öllum tengslum við WHO.
Leiddi skýrslan til afsagnar Zuzana Dolinková heilbrigðisráðherra sem segir stuðning stjórnvalda við þessar skoðanir grafa undan staðfestri sameiginlegri vísindalegri niðurstöðu.
Hér að neðan má hlýða á frétt Yvonne Katsande um málið:
