Stokkhólmur gæti heitið „Skothólmur“ eða „Sprengjuhólmur“ miðað við glæpamennskuna, þar sem manndráp eru hversdagsbrauð. Eini miðillinn á Íslandi sem segir eitthvað að ráði frá sænskum glæpahópum er Morgunblaðið. RÚV hefur afneitað þessari þróun í mörg ár og fært landsmenn á bak við ljósið, þótt núna sé farið að glytta gegnum teppið og menn neyðast að spila aðeins með á þeim bæ. Fréttamennska RÚV hefur fylgt áróðursmaskínu sænskra krata sem eru í félagsskap með hryðjuverkasamtökum Múslímska Bræðralagsins. RÚV fylgir þekktu vók-munstri að reyna að fela staðreyndir kringum orsakir ofbeldis, ef glæpamennirnir eru hælisleitendur.
Bíll sprengdur í loft upp föstudagskvöld – einn maður týndi lífi
Í gærkvöld sprakk bíll í Östberga í suðurhluta Stokkhólms. Einn fannst látinn og lögreglan framkvæmdi umfangsmiklar aðgerðir á svæðinu, samkvæmt SVT. Fyrsta tilkynning um sprenginguna barst klukkan 21:07 eftir að margir heyrðu háan hvell. Skömmu síðar kom lögreglan á vettvang og sá að bíll hafði sprungið og orðið fyrir miklum skemmdum. Hinn látni fannst nálægt bílnum en enn hafa ekki verið borin kennsl á hann.
Svíþjóðardemókratar og sænska ríkisstjórnin rannsaka síðan í vor möguleika á að „rjúfa ráðningar glæpahópanna.“ Mörgum finnst hins vegar orðin marklaus, þegar sænska ríkisstjórnin gerir lítið sem ekkert til að minnka straum innflytjenda til Svíþjóðar sem er um 100.000 manns árlega.
Maður skotinn í suðurhluta Stokkhólms laugardagskvöld
SVT greinir frá því núna í kvöld að særður maður á þrítugsaldri hafi fundist eftir skotárás í Sätra í suðurhluta Stokkhólms, Árásin var gerð úti. Lestarstöðin er lokuð á meðan lögreglan reynir að hafa uppi á glæpamanninum. Hinn særði gat talað, þegar lögregluna bar að garði en var síðan fluttur með þyrlu til sjúkrahús. Nýjustu fréttir Aftonbladets herma að lögreglan hafi handtekið unglingspilt undir 15 ára aldri í sambandi við skotárásina.