Bernhard K. er áhyggjufullur afi í Vínarborg. Hann hefur uppljóstrað um vaxandi kreppu í leikskólum Austurríkis. Í samtali við austurríska fréttamiðilinn Heute lýsir hann hinum harða raunveruleika í skóla barnabarns síns, þar sem aðeins þrír af 25 bekkjarfélögum tala góða þýsku.
Í frímínútum og eftir skólann fara börnin yfir í arabísku og skilja barnabarn hans eftir einangrað. Þegar Bernhard var spurður hvernig drengurinn ætlaði að bregðast við þessu, þá svaraði hann:
„Hann er að reyna að læra arabísku! Hvernig á hann annars að geta talað við skólafélagana?“
Þetta er ekki einstakt atvik heldur einkenni á þeim víðtæku lýðfræðilegu breytingum sem átt hafa sér stað í Austurríki. Samkvæmt Stofnun fjölskyldurannsókna hefur eitt af hverjum fimm börnum undir 18 ára aldri í Austurríki ekkert austurrískt vegabréf. Eru það um 340.000 börn.
Á sama tíma hefur fjöldi innfæddra ungmenna í Austurríki hrapað úr 1,6 milljónum í 1,2 milljónir. Hinar hröðu umbreytingar hafa gjörbreytt skólum landsins og eru í dag bein ógn við menningarlegan grundvöll Austurríkis.
Múslimar nýi meirihlutinn – innfæddir í minnihluta
Múslimar eru stærsti trúarhópur í grunnskólum Vínarborgar, 41,2% nemenda á grunn-, framhalds- og starfsnámsstigi eru múslimar.
Einungis 34,5% nemenda telja sig vera kristna, 17,5% kaþólskir og 14,5% rétttrúaðir. Yfir 23% eru ekki trúaðir, 0,2% eru búddistar, 0,1% gyðingar og aðrir 0,9%. Maximilian Weinzierl, leiðtogi æskulýðsdeildar Frelsisflokksins FPÖ segir:
„Þetta er ekki lengur innflytjendamál. Þetta eru umskipti. 41,2% múslímskra nemenda – það er ekki lengur minnihluti, þetta er nýi meirihlutinn. Það sem við í Frelsisflokknum höfum varað við í áratugi, en sem alltaf hefur verið afgreitt sem hægrisinnaður hræðsluáróður, er núna orðið að veruleika: Innflytjendamálin hafa gjörsamlega kaffært landið okkar.“
Ástandið í leikskólum Vínarborgar er útbreitt vandamál. Prófessor Bernhard Koch við Kennsluháskólann í Tirol bíður eftir gagnrýninni skýrslu frá Hagstofu Austurríkis, sem búist er við að leiði í ljós hversu margir leikskólar hafa yfir 33% eða 50% börn sem ekki hafa þýsku sem móðurmál.
Orðið inngilding hefur enga merkingu lengur
Koch grunar að gögnin muni staðfesta ótta hans um að þýskumælandi börn séu að verða slíkur minnihluti að „samþætting“ sé orðið að innihaldslausu tískuorði.
Í viðtali við Heute lýsti Koch þeirri áhyggjufullu þróun sem knýr þessa breytingu áfram:
„Innflytjendur setjast að á svæðum þar sem annað fólk frá sama upprunalandi hefur þegar sest að. Íbúar sem hafa verið lengi búsettir í þessu rými flytja annað.
Leikskólar verða ekki fjölbreyttari heldur einsleitari – oftast á erlendri tungu. Þetta grefur undan skólaumhverfi innfæddra Austurríkismanna.
Afleiðingar hömlulauss innflutnings nýbúa hefur leitt til versnandi námsárangurs innfæddra barna og vaxandi tilfinninga um aðskilnað í eigin samfélagi.
Væntanleg skýrsla Hagstofunnar í Austurríki gæti orðið vekjaraklukka fyrir löggjafann sem þá verður að bregðast hratt við ef takast á að leysa þessa kreppu áður en menningar- og menntaarfur Austurríkis glatast og verður ekki endurheimtur.