Sigríður Björk Guðjónsdóttir ríkislögreglustjóri fær nýja fimm ára ráðningu hjá dómsmálaráðherra þrátt fyrir að hafa misbeitt valdi með því að svartlista hjónin Gunnar Árnason og Hlédísi Sveinsdóttur á LÖKE málakerfi löggæsluembætta í tengslum við þjófnað nítján fósturvísa firmans Art Medica, 109 innbrot í sjúkraskrár og hylma yfir uppruna barnanna ellefu sem grunur er á að séu líf-börn hjónanna. Þetta er ekki hægt að skálda. Hún fær endurráðningu þrátt fyrir að vera til rannsóknar umboðsmanns Alþingis, Skúla Magnússonar vegna kæru hjónanna. Fyrir framan nefið á ríkislögreglustjóra eru framin alvarlegustu afbrot í sögu íslenska lýðveldisins og hún misnotar LÖKE. Guðrún Hafsteinsdóttir ráðherra ræður hana án auglýsingar.
Uppljóstrari upplýsti um afbrotin
Uppljóstrari úr embætti Ríkislögreglustjóra hvíslaði í fyrra að hjónunum að kalla eftir yfirliti um uppflettingar og skráningar í LÖKE. Þau furðuðu sig á ábendingunni. Bæði eru Gunnar og Hlédís með hreina sakaskrá. Af hverju ættu þau að vera hundelt af löggæsluembættum? LÖKE er sagt til samræmingar upplýsingum til eftirlits með hættulegum glæpamönnum! LÖKE tékkar svart-listaða krimma, ekki saklausa borgara. Svo var okkur sagt.
Stóri bróðir fylgist með
Hjónin eru skráð í LÖKE, ekki bara hjá Ríkislögreglustjóra heldur átján embættum og stofnunum um land allt. Hjónin voru í sjokki enda skráð án vitundar og upplýsinga af nokkru tagi. “Stóri bróðir” fylgist með við hverju fótmáli. Ríkissaksóknari, Ríkislögreglustjóri, Héraðssaksóknari, Útlendingastofnun, Tollstjóri og lögregluembætti hringinn um landið eru með hjónin á skrám. Hjónin kærðu til Umboðsmanns Alþingis sem tók málið upp. Skúli Magnússon er eini embættismaðurinn sem skoðar málið af alvöru. Engar skýringar hafa fengist á þessari grófu og alvarlegu misnotkun. Það er verið að sverta mannorð hjónanna, valda þeim hnekki og mannorðsmissi. Þá hefur Helga Þórisdóttir breytt Persónuvernd í Persónuofsóknir ríkisins vegna málsins svo og stöllur Sigríðar.
Séra Grétar & LÖKE
Í einu tilfelli hafa hjónin rakið svart-listun ríkisins til séra Grétars Halldórs Gunnarssonar prests í Kópavogskirkju. Rökstuddur grunur er um að séra Grétar sé með líf-barn hjóna ásamt eiginkonu sinni Valgerði B. Eggertsdóttur lögfræðingi hjá samgönguráðuneytinu, systur Dags B. Eggertssonar. Valdaþræðir liggja saman. Gunnar og Hlédís höfðu sent séra Grétari og Valgerði ábyrgðarbréf með aðstoð lögmanns þar sem farið var fram á samvinnu um framkvæmd DNA mannerfðafræðirannsókna. Ábyrgðarbréfið barst presthjónunum í mars 2022 þegar séra Grétar þjónaði á Ísafirði. Lögreglustjórinn á Vestfjörðum misbeitti embættinu og skráði hjónin í LÖKE að kröfu klerksins.
