Sérfræðingar í smitsjúkdómum eru í uppnámi yfir því, að almenningur „hlustar ekki lengur” á ráðleggingar þeirra varðandi bóluefni og aðrar meintar forvarnir gegn Covid-19 fjórum árum eftir að faraldurinn geisaði.
Samkvæmt frétt breska The Guardian þá halda smitsjúkdómasérfræðingar því enn fram, að Covid-19 sé stórfelld ógn við almenning og segja að fólk verði að taka örvunarsprautur áfram við „hvert tækifæri sem gefst.”
Finnst „sérfræðingunum” að margir taki nýjustu Covid-19 smitbylgjuna í Bandaríkjunum ekki nægjanlega alvarlega, því þeir láti hvorki bólusetja sig né nota veirueyðandi lyf þegar þeir veikjast.
Sóttvarnarfræðingarnir segja veiruna vera alvarlega ógn – sérstaklega gagnvart eldra fólki og fólk með undirliggjandi sjúkdóma. Þetta höfum við heyrt allt saman áður fyrir tíma Covid varðandi flensufaraldra sem hurfu á undarlegan hátt með tilkomu Covid. Áróðursmenn „lýðheilsunnar” segja að almenningur „verði” að taka örvunarsprautur núna – nema þeir sem hafa fengið Covid nýlega sem eiga að bíða í þrjá til fjóra mánuði.
The Guardian vitnar í ýmsa smitsjúkdómasérfræðinga, þar á meðal Jennifer Nuzzo, faraldsfræðing og forstöðumann heimsfaraldursmiðstöðvarinnar við Brown University School of Public Health, Justin Lessler, faraldsfræðiprófessor við háskólann í Norður-Karólínu og Bill Hanage, faraldsfræðing við Harvard TH Chan School of Public Health.
Þessir sérfræðingar, voru talsmenn blekkingar um gagnsemi andlitsgrímunnar og afneituðu möguleika á alvarlegum aukaverkunum í kjölfar bólusetninga gegn Covid. Núna hneykslast þeir á almenningi og skipa fólki „að taka veiruna alvarlega.”
Sem betur fer finnast aðrir breskir miðlar eins og til dæmis The Telegraph sem ekki er í sömu afneitun og The Guardian. The Telegraph viðurkennir að „Covid bóluefnin gætu hafa orsakað umfram dauðsföll.”
Mikil umframdánartíðni við bólusetningu gegn Covid-19
Í október 2023 skrifaði ég grein um málið á heimasíðu Útvarps Sögu. (ÚS hefur fjarlægt nafn mitt og sett í staðinn dularfullan „pistlahöfund greinar.”) Þar var vitnað í samantekt The Epoch Times um málið og umfangsmikla skýrslu vísindamanna þann 17. september 2023 (sjá hér að neðan).
Samkvæmt vísindamönnunum samsvara aukaverkanir af Covid-bólusetningum „gríðarlegum sjúkdómsvaldi sem deyðir um 0,123% jarðarbúa.” Það samsvarar einu dauðsfalli á hverja 470 lifandi einstaklinga innan þriggja ára. Niðurstaða vísindamannanna eru sláandi:
„Heildarhættan á að deyja af völdum Covid-19 bóluefna er 1.000 sinnum meiri en áður hefur verið greint frá samkvæmt gögnum klínískra rannsókna, eftirliti með aukaverkunum og tölfræði um dánarorsök sem fengin eru úr dánarvottorðum.“
Er það nema von, að fólk vilji ekki láta sprauta þessu dauðans eitri inn í líkamann.
