Péter Szjjártó, utanríkisráðherra Ungverjalands, sá sig tilneyddan að kalla sendiherra Svía inn á teppið til að útskýra fyrir honum, að Viktor Orbán er fulltrúi ungversku þjóðarinnar sem lýðræðislega kjörinn forsætisráðherra og jafnframt er Ungverjaland forsætisríki Evrópusambandsins um þessar mundir sem færir forsætisráðherranum sérstakar skyldur í samskiptum við aðrar þjóðir.
Sendiherra Svíþjóðar í Búdapest var kallaður í ungverska utanríkisráðuneytið í gær til að taka á móti formlegum mótmælum ungversku ríkisstjórnarinnar. Ástæðan er fjandsamlegar yfirlýsingar sænska forsætisráðherrans Ulf Kristersson í garð ungverska kollega síns, Vikor Orbán.
Ástæðan er afskiptasemi Ulf Kristersson, forsætisráðherra Svíþjóðar, af innanríkismálum Georgíu og úrslitum nýafstaðinna kosninga, en Kristersson gat ekki dulið bræði sína yfir því, að Viktor Orbán sagði kosningarnar löglegar. Viktor Orbán, forsætisráðherra Ungverjalands sem er forystuland ESB fram að áramótum, heimsótti Georgíu eftir kosningarnar og óskaði sigurvegara kosninganna, flokknum Draumur Georgíu, til hamingju með kosningasigurinn og sagði jafnframt að kosningarnar hefðu verið „frjálsar og lýðræðislegar.“ Þar hefur Orbán á réttu að standa, því eftirlitsstofnunin ÖSE sagðist ekki hafa orðið vör við neitt athugavert við framkvæmd kosninganna.
Sænska ríkisstjórnin sem halda mætti að væri heilaþvegin af George Soros tekur af heilum hug þátt í valdabaráttu alræðisdömunnar Ursula von der Leyen í Brussel sem undirbýr valdarán í Ungverjalandi eins og Þjóðólfur greindi nýverið frá.
Kristersson hvæsti úr sér eftirfarandi í garð Viktor Orbán:
„Hann talar ekki fyrir löndin í Evrópu. Hann talar ekki fyrir Svíþjóð. Hann talar hugsanlega fyrir Rússland en hann talar ekki fyrir okkur hin.“
Ulf Kristersson er á bandi glóbalistanna sem þola ekki að fólk hugsi sjálfstætt í löndum eins og Ungverjalandi, Póllandi og núna í Georgíu. Það eru samantekin ráð djúpríkisins í Washington, CIA og framkvæmdastjórnar ESB að lýsa allar kosninganiðurstöður sem svindl sem ekki eru að skapi þessrar glóbalísku elítu. Allir sjá hverjar afleiðingarnar hafa orðið í Úkraínu en þar stóð m.a. Georg Soros að baki valdaráninu 2014. ESB-hirðin vinnur samkvæmt fyrirmælum George Soros um að flæma Pútín frá völdum með góðu eða illu til að stykkja Rússland niður í minni viðráðanleg ríki sem glóbalistarnir geta arðrænt á þægilegan hátt. Þess vegna er skipun dagsins að fullyrða að svindlað hafi verið í kosningunum í Georgíu. Allt annað er rússneskur áróður. Sem sagt meiri hluti Georgíubúa ganga erinda Rússlands – ekki sjálfs sín.
Árás sænska forsætisráðherrans á Viktor Orbán skapar erfiðleika í diplómatískum samskiptum Svíþjóðar og Ungverjalands sem er einmitt það sem sænska ríkisstjórnin vill, því hún vill verða best í bekk glóbalizmans og fer því jafnvel fram úr alræðisstjórninni í Brussel. (Færir hugann að hrifningu valdhafa í Þýskalandi fyrir seinni heimsstyrjöldina af kynþáttarannsóknum Svía en eins og kunnugt er, þá taldi Austurríkismaðurinn sem komst til æðstu valda í Þýskalandi og dreif þjóðina í stríð gegn Rússum, að „einn kynstofn væri æðri öllum hinum.“) Evrópusambandið stundar stríðsrekstur í Úkraínu, skapar sundrung og pólitíska upplausn í aðildarríkjum og í löndum utan sambandsins og er að umbreyta iðnaðarframleiðslunni yfir í hergagnaframleiðslu fyrir þriðju heimsstyrjöldina.
Ásökun Ulf Kristerssonar að Viktor Orbán sé í rassvasa Pútíns sýnir á hvaða stigi umræðan er komin og tal um samstarf og frið eru marklaus orð. Núna eru það vopnin sem eiga að tala og ríkisstjórn Svíþjóðar stunda linnulausan áróður innanlands til að undirbúa Svía fyrir komandi stórstyrjöld við Rússa.
Þótt sænski sendiherrann sé tekinn á teppið mun það í engu breyta hatri ríkisstjórnar Svía á Rússum eða draga úr þriðju heimsstríðsstefnu sænsku ríkisstjórnarinnar.
Því miður.
