Fréttahán Þjóðólfs í Finnlandi, hrú Reðurdís Útjaska Vágestsdóttir, segir farir sínar ekki sléttar en hún þurfti að nota salernið í menningarhöllinni í Helsinki nýlega. Menningarstýrur Finnlands höfðu breytt salerninu í sameiginlegt fjöldaklósett fyrir öll möguleg kyn og átti sameiningin að auka aðgengi og flýta inngildingu óímyndaðra líffræðiþarfa allra 700+ kynja. Fjöldaklósettinu var ætlað að draga úr garnagauli og auka samstöðu hreinnar kynvitundar án líkamlegs álags eða hættu á taugaáfalli. Hugsunin var hrein og heil menning og alltaf nóg pláss fyrir öll kynin samtímis á klósettinu.
Reðurdís Útjaska heimsótti Menningarhöllina og ætlaði að bregða sér á nýja unisexklóið en þá voru góð ráð dýr. Biðröðin að klósettinu var langt út á götu, breytingin sem átti að auka nýtni, spara tíma og fá burtu allar biðraðir virkaði því miður þveröfugt. Ástæðan var sú að þvermóðskufullir karlar neituðu að nota pissuskálar í þessu galopna útrými. Karlarnir eru greinilega svo viðkvæmir að þeir gátu ekki hugsað sér að opinbera vissa líkamshluta á opnu svæði með hinum 699+ kynjunum og fóru þess í stað í biðröð til að komast inn á klósettbása með hurðum sem hægt er að loka á eftir sér.
Jussi Nuorteva, prófessor og sagnfræðingur harmar að karlmenn þori ekki að nota pissuskálar lengur. Iltlalehti segir að það sé körlum að kenna að langar biðraðir myndast, því þeir noti ekki pissrennurnar. Nuorteva skrifar á X að með breytingunni hafi verið stigið stórt skref í átt til aukins jafnréttis:
„En afleiðingin er sú, að menn nota ekki pissurennurnar mitt á meðal kvenfólks. Og ekki lítur út fyrir að konurnar vilji nota þær heldur. Í staðinn fara allir í biðröð við básana og gríðarlega langar biðraðir myndast.”
Reðurdís segir að þrátt fyrir nafnið, þá hafi henni þótt óþægilegt að sjá karlmann létta opinberlega á blöðrunni á slíkan hispurslausan hátt.
Maija Kuhn, markaðsstjóri menningarhallarinnar segir að breytingin yfir í sameiginlegt fjöldaklósett hafi verið gerð eftir ráðleggingar frá viðskiptavinum. Prófessor Jussi Nuorteva hefur lausnina á vandanum:
„Það verður einungis hægt að ná fram fullkomnu jafnrétti kynjanna með því að fjarlægja hurðirnar af klósettbásunum.”
Reðurdís Útjaska Vágestsdóttir segist hjartanlega sammála prófessor Jussi og best að hafa engin rými þar sem hægt sé að fela hvaða kyn er á ferð.