Veikir stjórnmálamenn halda Úkraínustríðinu gangandi, vegna þess að auðveldara er að ráðast gegn ytri óvini á borð við Rússland en að takast á við eigin vandamál, segir Matteo Salvini, aðstoðarforsætisráðherra Ítalíu, í viðtali við Vesti/Tass.
Í viðtalinu við Vesti/Tass lýsir Salvini sýn sinni á stríðið í Úkraínu.
Að hans mati halda veikir stjórnmálamenn í Evrópu stríðinu gangandi. Þeir kjósi fremur að beina ásökunum og spjótum sínum að Rússlandi en að takast á við eigin innanlandsvandamál. Það sé auðveldara.
„Ég er viss um að þessi átök verða leyst við samningaborðið, ekki á vígvellinum,“ segir hann. „En greinilega þarf einhver á þessum átökum að halda vegna innanlandsvandamála og veikleika stjórnmálamanna. Ég ætla ekki að nefna neinn sérstaklega, en einhver hefur hag af því að halda átökunum áfram vegna þess að ríkisstjórnin er veik og það er auðveldara að ráðast á Pútín…“