Að ganga villu vegar er ekki einungis bundið við íslensku kirkjuna. Í Västerås sókninni í Svíþjóð hefur sænska kirkjan látið sauma regnbogakápu til að tákna stuðning kirkjunnar við hugmyndafræði trans-LGBTQ hreyfingarinnar. Í Alingsås var kirkjan skreytt með regnbogafánum og hinsegin boðskapu predikaður með skál fyrir utan með sælgæti og smokkum við skólalok grunnskólans Vittra Gerdsken. Sænska kirkjan heldur áfram að fjarlægja krossinn, merki kristinna, svo „trúarbragðahlutleysi“ sé gætt.
Það tók eitt og hálft ár að sauma regnbogakápuna sem nota á við messur í Västerås til að tákna „jafnt gildi allra.“ Gylltur einhyrningur kominn í stað krossins, merki kristinna, saumaður á kápuna.
Að baki frumkvæðinu eru aðjunktar sóknarinnar, Cecilia Redner og Hans DeGréus. Þau hafa unnið með tveimur kvenklæðskerum að verkinu. Hans DeGréus segir í yfirlýsingu á vefsíðu biskupsdæmisins:
„Kápan er áminning um jafnt gildi allra sem verður sífellt mikilvægara á tímum, þegar fleiri efast um mannréttindi víða um heim.“
Með kápunni fylgja einnig „tveir stólar í litum regnbogans með táknum fyrir framsækna LGBTQI.“ Á Facebook síðu biskupsdæmisins er þessu lýst sem leið til að „varpa ljósi á fleiri sjónarmið inn í tjáningu kirkju okkar.“ Samkvæmt Redner var það „náttúrulegt skref“ að þróa flík til að tjá „fjölbreytni manna“ í þjónustunni.
Krossinn fjarlægður og kirkjum breytt í moskur
Eftir að sænska kirkjan og ríkið skildu ár 2000 hefur kirkjan breyst í grundvelli sínum frá því að hafa verið kirkja Krists yfir í samkomustað með sífellt meira af dæmigerðum vinstri áróðri um loftslagshlýnun, hinsegin boðskap og Palestínuáróðri Hamas.
Kirkjan hefur áður sagt sig hlynnta því að kirkjum verði breytt í moskur og núna er unnið að því að fjarlægja krossa af kirkjum svo hlutleysis verði gætt gagnvart mismunandi trúarbrögðum. Gagnrýnin eykst samfara þessari hnignun sænsku kirkjunnar og fólk yfirgefur söfnuði hennar.
Jesús Kristur er kominn í skammakrókinn og biskupar boða að kristin tákn verði fjarlægð svo múslimum finnist þeir vera velkomnir í kirkjur landsins. Kirkjan í Svíþjóð er stjórnuð af fulltrúum stjórnmálaflokkanna og í síðustu kirkjukosningum kynntu sósíaldemókratar sem er stærsti hópurinn boðskap sinn þar sem hvergi var minnst á Guð, Jesús eða Krist. Þau orð fundust ekki. Í staðinn var áhersla á orðum eins og „samstaða, loftslag og fjölbreytni.“
12 ára stúlkur fengu afhenta smokka við kirkjudyrnar
Í Alingsås tók kirkjan þátt í hinsegin gleðihátíð sem blandaðist saman við skólalok grunnskólans. Þegar nemendurnir komu inn í kirkjuna var hinsegin boðskapur í stað Krists predikaður og regnbogafánar á stólaröðum kirkjugesta. Nafn Jesús heyrðist ekki og svo þegar komið var út, var til staðar skál með sælgæti og smokkum fyrir börnin. Móðir 12 ára gamallar stúlku leist ekki á blikuna og kvartaði og þá voru fréttir sænska sjónvarpsins meira í þeim stíl að hún ætti erfitt með skap fyrir að hafa orðið reið vegna málsins! Hér má heyra ræðu prestsins og hingsegin áróður við skólaslitin.