Það átti að verða notalegur liður á fyrsta degi sumarleyfisins en endaði með sárri staðfestingu á því að enn einn opinber staður er ekki lengur staður sem þeir sem eru vanir rólegum og hefðbundnum sænskum aðstæðum geta heimsótt.
Bókasöfn, hátíðir, sundlaugar og baðstrendur. Margir staðir sem áður voru rólegir hafa á síðustu árum breyst í óreiðukennda upplifun þar sem hávær og ágeng innflytjendagengi hafa í síauknum mæli tekið yfir.
Á laugardaginn hóf fjölskylda frá Ulricehamn sumarleyfið með því að fara í Skara Sommarland í von um að eiga þar ánægjulegan dag. Þar mætti hún hins vegar öllu öðru en notalegu og friðsælu umhverfi.
„Þetta varð ekkert minna en ein versta upplifun sem við fjölskyldan höfum orðið fyrir,“ skrifar faðirinn í færslu á Facebook sem hefur vakið mikla athygli.
Strax við innganginn fannst fjölskyldunni eitthvað ekki vera eins og það ætti að vera, þar sem Svíar af sænskum uppruna voru örlítið brot af gestunum, að þeirra mati um fimm prósent. Hinir virtust flestir eiga uppruna sinn í Miðausturlöndum og Afríku, og margir þeirra voru klæddir burku eða niqab.
Arabísk tónlist
Þegar inn í garðinn var komið virtust fáir fara eftir reglunum. Fólk þrengdi sér fram fyrir í röðum og Svíar urðu að víkja. Einnig komu upp nokkur átök og hópar gengu um á ógnvekjandi hátt. Aðeins tveir öryggisverðir sáust meðal um 6.000 gesta.
„Sundlaugar þar sem þetta fólk þrengir sér saman og þar sem, í fullri alvöru, er þvaglykt! Arabísk tónlist ómar úr hátölurum – það vantar bara að vatnspípurnar verði dregnar fram líka,“ skrifar faðirinn reiður og segir að fjölskyldan muni aldrei heimsækja Skara Sommarland aftur.
Margar sænskar fjölskyldur gáfust upp og yfirgáfu svæðið.
„Svíþjóð er ekki lengur Svíþjóð! Ég vissi ekki að ferðin til Miðausturlanda væri orðin svona stutt! Ég vona innilega að enginn Svíi þurfi að upplifa það sem við upplifðum í dag. Okkur finnst við vera orðinn algjör minnihluti í okkar eigin landi. Hvernig gat þetta gengið svona langt?“