Whitney Webb er bandarísk blaðakona og rithöfundur sem fjallar um spillingu, ofsóknir stjórnvalda og hernaðarsamstæðuna. Whitney hefur starfað sem rithöfundur og blaðamaður síðan 2016.
Whitney er einnig höfundur vinsælla bóka. Hún hefur skrifað bindi 1 og 2 af bókinni Ein þjóð undir fjárkúgun „One Nation Under Blackmail“ þar sem hún fjallar m.a. um það ástand sem gerði Jeffrey Epstein kleift að starfa. Whitney er gift og á tvö börn og býr í Chile.
Í nýjum þætti (sjá að neðan) fer rannsóknar blaðakonan Whitney Webb ofan í saumana á því ástandi sem við lifum öll í og að verið er að teyma mannkynið eina ferðina enn í úrslitaorrustu um völdin á jörðinni. Lýsir hún markmiði stafræna passans sem tæki til að hafa fullkomið eftirlit með og ná stjórn á sérhverjum jarðarbúa. Undirbúningur nýs peningakerfis er í gangi, þar sem stafrænn gjaldmiðill verður sá eini sem verður gjaldgengur. Sérhver jarðarbúi fær koltvísýringskvóta.
Nýtt alþjóða peningakerfi í fæðingu
Hið nýja heimsstjórnarkerfi minnir mikið á eftirlits- og kúgunarkerfi kínverska kommúnistaflokksins og verður mannfólkinu skipt í tvo hluta: Eigendur og stjórnendur kerfisins annars vegar og svo öreiga hins vegar sem hafa engin önnur tök en játast nýja hlutverkinu, því enginn fær aðgang að efnahagskerfinu sem ekki samþykkir kúgunarskilmálana.
Í inngangi að þættinum varar Whitney Webb okkur við því, að við séum vitni að fæðingu nýs alþjóðlegs peningakerfis og afleiðingarnar verða hörmulegar. Hún segir:
„Þeir hafa í meginatriðum sagt, að þetta sé eina leiðin….að þetta sé eina leiðin til að sanna að þú sért löglegur. Ef þú tekur ekki þátt í því kerfi sem ríkið og einkageirinn koma á fót, þá verður þú útilokaður frá efnahagskerfinu. Markmiðið er að koma á fót nýju fjármálakerfi, nýju Bretton Woods og þeir þurfa bara einhvern stóran viðburð á mælikvarða seinni heimsstyrjaldarinnar til að koma þessu kerfi í framkvæmd.“
Alræðiseftirlit með öllum jarðarbúum
Whitney varar okkur við því, að tilgangur nýja fjármálakerfisins sé alræðiseftirlit og ritskoðun á öllum þáttum í lífi okkar. Whitney byggir viðvaranir sínar á áætlunum glóbalista eins og Emanuel Macron, Frakklandsforseta og Klaus Schwab, stofnanda World Economic Forum „The Great Reset.“ Flest allar ríkisstjórnir hins vestræna heims þrýsta okkur í átt að þessari nýju heimsskipun, þar sem elítan á borð við Black Rock ráða yfir öllum náttúrulegum hráefnum. Whitney varar við því, að öll náttúran verði hernumin, frá skógum til fossa, fjöllum til vatna, allt sem hægt er að gera að eign þeirra ofsaríku. Markmiðið er alræðisstjórn á öllu lífi jarðarinnar. Whitney segir:
„Ég held að stafræna auðkennið sé lykiltæki fyrir eftirlitið. Gegnum það fá stjórnendur að vita hvað allir gera í viðskiptum og að geta aðlagað örstjórnun út frá virkni einstaklingsins. Stafræna auðkennið takmarkast ekki bara við fjármálakerfið, það veitir upplýsingar um hvernig þú hreyfir þig, hvert þú ferðast, heilsufar þitt, störf og menntun og aðgang að samfélagsmiðlum.“
Hlýða má á boðskap bandarísku blaðakonunnar hér að neðan:
