Það er til marks um ómennsku og illsku guðlauss ríkiskerfis að dómsmálaráðuneytið telur háttsemi Helga Magnúsar Gunnarssonar vararíkissaksóknara „ósæmilega“ vegna ummæla þegar fjölskylda hans, eiginkona og börn sátu um árabil undir linnulausum hótunum og ofbeldi hælisleitanda, án þess að ríkissaksóknari aðhefðist nokkurn skapaðan hlut. Sigríður Friðjónsdóttir ríkisaksóknari hefur upplýst að það sé dómsmálaráðuneytið sem hafi kvartað. Í stað þess að vísa stórhættulegum manni úr landi þá ræðst kerfið á eiginmann og föður sem situr undir alvarlegum hótunum svo lífi fjölskyldu hans, eiginkonu og börnum var ógnað.
Ofbeldismaðurinn, Mohamad Kourani hefur verið dæmdur í átta ára fangelsi fyrir tilraun til manndráps þar sem hann beitti hníf. Hann hefur hótað lögreglumanni lífláti auk fjölda annarra afbrota. Maðurinn situr inni á kostnað skattgreiðenda og kennir sig við Th. Jóhannesson fyrrum forseta. Innan fárra missera verður Kourani laus og vandræðin halda áfram. Það er ómöguleiki að ríkiskerfi leysi vandamál, það skapar vandamál. Allir skulu beygja sig undir þöggun fjölómenningar. Málfrelsi er kastað fyrir hrægamma.
Jón Gunnarsson „virðing og traust“
Það útaf fyrir sig kom á óvart að árásir dómsmálaráðuneytisins voru í tíð Jóns Gunnarssonar sem áréttaði mikilvægi „…virðingar og trausts.“ !!! Jón Gunnarsson var að skrifa gerspilltum ríkissaksóknara, Sigríði Friðjónsdóttur sem um árabil hefur framið lögbrot með því að þagga og hylma stuld Art Medica á nítján fósturvísum hjónanna Gunnars Árnasonar og Hlédísar Sveinsdóttur, 109 innbrot lækna í sjúkraskrár Hlédísar og kemur í veg fyrir að ellefu börn fái þekkt uppruna sinn. Sigríður er innsti koppur í búri öfga-feminista klíku sem fremur lögbrot á hverjum einasta degi og ætti að dúsa í fangelsi. Síbrotakvendið Sigríður kveður Helga Magnús ekki vera embætti Ríkissaksóknara til sóma !!! Þetta er ekki hægt að skálda.
Ráðherrar samsekir kvennaklíkunni
Hið háðulega í sjónarspilinu er að Jón Gunnarsson er samsekur kvennaklíkunni. Hann sem dómsmálaráðherra framdi alvarleg lögbrot sem ráðherra með hylmingu og lögregluofbeldi gegn hjónunum, líkt og Áslaug Arna Sigurbjörnsdóttir gerði og Guðrún Hafsteinsdóttir nú gerir. Það er til marks um fáránleika þessa hringleikahúss að ég fékk símtal á afmælisdag minn 8. maí boðaður til yfirheyrslna lögreglu. Lögreglumenn kæmu til Akureyrar vegna skrifa minna, blaðamanns. Ég ætti yfir höfði 4ra ára fangelsi og ævilangt farbann í Reykjavík og Garðabæ. Síðar kom í ljós að kæra lögkvendisins Evu Bryndísar Helgadóttur LMG-lögmönnum var undirrituð 13. maí fyrir hönd fimm hjóna sem ekki þola ljósskímu heldur vafra um í myrkri óbærilegs sannleika. Yfirheyrslur fóru fram 16. maí. Það var ofbeldisgjörð í boði Höllu Bergþóru Björnsdóttur lögreglustjóra höfuðborgarsvæðsins.
Vandræðaleg Guðrún Hafsteinsdóttir getur ekki tekið afstöðu með Helga Magnúsi sem sætir ofsóknum ráðuneytis og ríkissaksóknara. Sá er gengur lygi á hönd missir húsbóndavald.
